قومی مفاد کے مختلف ایشوز پر پارٹی کی پالیسی کو دھار دینے کے لیے کانگریس صدر سونیا گاندھی نے تین کمیٹیوں کی تشکیل کی ہے۔ یہ تین کمیٹیاں قومی سیکورٹی، خارجہ معاملوں اور معاشی امور کو مدنظر رکھتے ہوئے بنائی گئی ہیں۔ سابق وزیر اعظم ڈاکٹر منموہن سنگھ کو تینوں کمیٹیوں میں جگہ دی گئی ہے۔ سبھی کمیٹی میں 5-5 ارکان شامل کیے گئے جن میں سے ایک کو کوآرڈنیٹر بنایا گیا ہے۔
Published: undefined
قومی سیکورٹی سے متعلق تشکیل کمیٹی میں ڈاکٹر منموہن سنگھ کے علاوہ سینئر لیڈر غلام نبی آزاد، ویرپا موئلی، وی ویتھی لنگم اور ونسنٹ پالا کو رکن بنایا گیا ہے۔ پالا کو آرڈینیٹر کی بھی ذمہ داری نبھائیں گے۔ خارجہ معاملوں پر بنی کمیٹی میں منموہن سنگھ کے ساتھ ششی تھرور، آنند شرما، سپتاگری الاکا اور سلمان خورشید کو رکن بنایا گیا ہے۔ سلمان خورشید اس کمیٹی کے کو آرڈینیٹر ہوں گے۔ تیسری یعنی معاشی امور پر مبنی کمیٹی میں ڈاکٹر منموہن سنگھ کے علاوہ سابق وزیر مالیات پی چدمبر، دگوجے سنگھ اور ملکارجن کھڑگے کو شامل کیا گیا ہے۔ جے رام رمیش بھی اس کمیٹی میں شامل ہیں جنھیں کو آرڈینیٹر کی بھی ذمہ داری دی گئی ہے۔
Published: undefined
غور طلب ہے کہ بہار انتخابی نتائج، آر سی ای پی اور گپکار اعلانیہ جیسے ایشوز کے درمیان ان نئی کمیٹیوں کی تشکیل کر سونیا گاندھی نے صاف کر دیا ہے کہ کانگریس کی آگے کی پالیسی کافی دھاردار ہونے والی ہے۔ ان کمیٹیوں میں زیادہ تر سینئر لیڈروں کو جگہ دینے سے ان کے تجربات کا فائدہ پارٹی کو ملے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم