اتر پردیش میں گنگا کنارے دفن اور بہتی ہوئی لاشوں کو دیکھ کر اپوزیشن پارٹی لیڈران نے حکمراں بی جے پی حکومت پر الزام عائد کیا تھا کہ وہ کورونا سے ہلاک ہونے والے لوگوں کی کم تعداد پیش کر رہی ہے۔ اب بی جے پی کے ہی ایک لیڈر نے ریاست میں کم و بیش 10 لاکھ افراد کے کورونا سے ہلاک ہونے کا دعویٰ کیا ہے۔ بی جے پی لیڈر کے اس دعویٰ نے یوگی حکومت کے ذریعہ پیش کردہ اعداد و شمار پر سوالیہ نشان کھڑا کر دیا ہے۔
Published: undefined
اتر پردیش میں برسراقتدار بی جے پی کی ایگزیکٹیو کمیٹی رکن اور سابق رکن اسمبلی رام اقبال سنگھ نے پیر کے روز اپنے ایک بیان میں کورونا انفیکشن سے ریاست میں دس لاکھ لوگوں کی موت کا دعویٰ کیا۔ حالانکہ اپنے دعویٰ کو ثابت کرنے کے لیے انھوں نے کوئی اعداد و شمار یا دستاویز پیش نہیں کیا ہے، لیکن ان کا کہنا ہے کہ کورونا سے ہلاک ہونے والوں کی جو تعداد بتائی جا رہی ہے، وہ غلط ہے۔
Published: undefined
یہاں قابل ذکر ہے کہ رام اقبال سنگھ نے ہفتہ کے روز بھی ایک بیان دیا تھا جس میں کہا تھا کہ ہر گاؤں میں کورونا انفیکشن سے کم از کم دس لوگوں کی موت ہوئی ہے۔ بی جے پی لیڈر نے یہ بھی کہا تھا کہ بڑی آبادی والے گاؤں میں یہ تعداد کئی گنا زیادہ ہے اور شہروں میں بھی کثیر تعداد میں لوگوں کی کورونا سے موت ہوئی ہے۔
Published: undefined
میڈیا ذرائع سے موصول ہو رہی خبروں کے مطابق رام اقبال سنگھ کے بیانات سے بی جے پی کی اعلیٰ قیادت کافی ناراض ہے اور ان کے خلاف کارروائی کی تیاری ہو رہی ہے۔ گورکھپور میں پارٹی کے مقامی سربراہ دھرمیندر سنگھ نے ایک خبر رساں ادارہ سے بات چیت کے دوران کہا کہ بی جے پی کی ریاستی ایگزیکٹیو کمیٹی کے رکن اور سابق رکن اسمبلی رام اقبال سنگھ کے پارٹی مخالف بیانوں کے معاملے پر ریاستی قیادت کارروائی کرے گا۔ انھوں نے کہا کہ رام اقبال سنگھ کے متنازعہ بیانات پر مبنی خبروں کے تراشے جمع کر لیے گئے ہیں جسے ریاستی قیادت کو بھیجا جا رہا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم