آر جے ڈی لیڈر اور بہار کے نائب وزیر اعلیٰ تیجسوی یادو نے ہفتہ کے روز کہا کہ بی جے پی مکامہ اور گوپال گنج میں ضمنی انتخاب ہارنے جا رہی ہے۔ اسی شکست کے خوف سے ہی بی جے پی مرکزی ایجنسیوں کا استعمال کر میرے کنبہ کو نشانہ بنا رہی ہے۔ تیجسوی کا یہ بیان سی بی آئی کے ذریعہ یو پی اے حکومت میں وزیر ریل کی شکل میں لالو پرساد کی مدت کار کے دوران ہوئے ایک مبینہ ملازمت گھوٹالے کے سلسلے میں ان کے والد لالو پرساد اور والدہ رابڑی دیوی سمیت 16 لوگوں کے خلاف فرد جرم داخل کرنے کے ایک دن بعد آیا ہے۔
Published: undefined
فرد جرم میں الزام عائد کیا گیا ہے کہ پٹنہ میں ایک لاکھ اسکوائر فٹ سے زیادہ اراضی مبینہ طور پر ملازمت کے بدلے لالو پرساد کے کنبہ کو ٹرانسفر کر دیا گیا تھا۔ اس معاملے میں تیجسوی یادو نے کہا کہ لالو پرساد کے خلاف مرکزی ایجنسیوں کا استعمال کرنا بی جے پی کی ایک جانی مانی پالیسی ہے۔ ایسا اس لیے کیونکہ اس کے لیڈر جانتے ہیں کہ وہ بہار میں آئندہ ضمنی انتخابات میں شکست کھانے والے ہیں۔ تیجسوی نے کہا کہ ’’ہم نے مکامہ اور گوپال گنج کے لوگوں سے بات کی ہے اور ہمیں یقین ہے کہ مہاگٹھ بندھن کے امیدوار آرام سے دونوں سیٹوں پر جیت حاصل کریں گے۔ ہم جلد ہی امیدواروں کے ناموں کا اعلان کریں گے۔‘‘
Published: undefined
تیجسوی یادو نے مرکزی ایجنسیوں کے ذریعہ ہو رہی کارروائی پر کوئی حیرانی ظاہر نہیں کی۔ انھوں نے کہا کہ بی جے پی اپوزیشن لیڈروں کے خلاف مرکزی ایجنسیوں کا غلط استعمال کر رہی ہے۔ آج سی بی آئی ہے، کل ہم امید کر رہے ہیں کہ ای ڈی اور انکم ٹیکس ہمارے پیچھے آئیں گے۔ اس میں نیا کیا ہے!
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined