گوہاٹی: آسام کے وزیر اعلی ہمنتا بِسوا سرما نے جمعرات کو کہا ہے کہ غیر مقیم مسلم کمیونٹی کو مجموعی ترقی اور غربت کو کم کرنے کے لئے اور آبادی کو کنٹرول کرنے کے لئے خاندانی منصوبہ بندی کی پالیسی اپنانی چاہئے۔ انھوں نے نئی حکومت کی تشکیل کے ایک ماہ کی مدت پوری ہونے کے بعد صحافیوں سے خطاب کرتے ہوئے کہا کہ ’’ملک میں بڑھتی آبادی خصوصاً اقلیتی برادریوں کے درمیان وسائل اور جگہ کی قلت پیدا ہو رہی ہے۔‘‘
Published: undefined
وزیر اعلی ہیمنت بسوا سرما نے اپنے بیان میں کہا کہ ریاست میں اقلیتی انجمنیں حکومت کو اس برادری میں غربت کو کم کرنے کے لئے تجاویز دیں۔ انہوں نے اقلیتی برادریوں کے اسٹیک ہولڈرز پر زور دیا کہ وہ لوگوں کو آبادی پر قابو پانے پر توجہ دینے کی ترغیب دیں۔ وزیر اعلیٰ نے یہ بھی کہا کہ حکومت اقلیتی برادری کی خواتین کو اس مسئلے سے موثر انداز میں نمٹنے کے لئے تعلیم دینے کا ہدف بنا رہی ہے۔
Published: undefined
وبائی مرض کے درمیان جنگلات اور مندر کی اراضی میں حکومت کے ذریعہ بے دخلی کی مخالفت کا سامنا کرتے ہوئے ہیمنت بسوا سرما نے کہا کہ حکومت مندر کی زمین اور جنگلات کی زمین کے تجاوزات کے خلاف ہے۔ انہوں نے بتایا کہ برادری کے افراد نے حکومت کو یقین دہانی کرائی ہے کہ وہ ایسی اراضی پر تجاوزات نہیں کریں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم