امرتسر: سرحد پر سازشی منصوبے ناکام، بی ایس ایف کی مشترکہ مہم میں کثیر تعداد میں اسلحہ و گولہ بارود برآمد

پاکستان کے ساتھ کشیدگی کے درمیان سلامتی دستوں نے سرحد پر دشمنوں کی بڑی سازش کو ناکام کر دیا ہے۔ سرحدی سلامتی دستوں (بی ایس ایف) اور پنجاب پولیس نے مل کر امرتسر ضلع کے بھروپال گاؤں کے پاس اسلحہ، گولہ بارود اور گرینیڈ کا ذخیرہ برآمد کیا ہے۔

سرحد پار دہشت گردی کے نیٹ ورک کے خلاف یہ کارروائی ایک اہم کامیابی مانی جا رہی ہے۔ بی ایس ایف کی خفیہ شاخ سے ملی پختہ اطلاع کی بنیاد پر بدھ کی شام بھروپال گاؤں کے آس پاس ایک مشترکہ تلاشی مہم شروع کی گئی۔ اس دوران کثیر تعداد میں اسلحہ برآمد کیے گئے۔

تلاشی مہم میں سلامتی دستوں نے 2 ہینڈ گرینیڈ، 3 پستول، 6 میگزین اور 50 زندہ کارتوس برآمد کیے۔ برآمد اسلحے اور گولہ بارود پنجاب پولیس کو سونپ دیا گیا ہے۔ بی ایس ایف اور پنجاب پولیس کی مستعدی نے دشمنوں کے غلط منصوبوں کا ناکام کر دیا ہے۔ ساتھ ہی سرحد سے متصل علاقوں میں امن اور تحفظ کو یقینی کرنے کی سمت میں اسے ایک اہم قدم کے طور پر دیکھا جا رہا ہے۔

پہلگام حملے کے بعد بی ایس ایف جوان کافی فعال ہیں۔ جمعرات کو بنگلہ دیش کی سرحد پر بھی تین لوگوں کو پکڑا گیا تھا۔ خفیہ اطلاع کی بنیاد پر مغربی تریپورہ کے نرسنگھ گڑھ گاؤں میں ایک مشترکہ مہم کے دوران ایک ہندوستانی شہری کو ای سی او ماروتی وین کے ساتھ پکڑا گیا۔ تلاشی لینے پر گاڑی سے ایسکوف کف سیرپ کی 805 بوتلیں برآمد کی گئیں۔

ایک دیگر آپریشن میں بی او پی کیودھیپا کے بی ایس ایف جوانوں نے کیادھوپا بازار علاقے سے ایک ہندوستانی دلال کو گرفتار کیا۔ گرفتار دلال انسانی اسمگلنگ اور بنگلہ دیشی اور روہنگیا شہریوں کی ہندوستان میں غیرقانونی دراندازی میں فعال طور سے شامل ہے۔ ساتھ ہی انہیں پناہ اور اشیاء کی سہولت فراہم کرتا ہے۔

اس کے علاوہ سرحد چوکی پوٹیا کے بی ایس ایف جوانوں نے سرحدی سلامتی باڑ کو پار کرکے بنگلہ دیش سے ہندوستان میں گھسنے کی کوشش کر رہے ہندوستانی شہری کو پکڑا۔ اس کے قبضے سے یو اے ای اور بی ڈی کرنسی برآمد کی گئی۔ اس کے علاوہ تقریباً 13 لاکھ روپے قیمت کی بڑی مقدار میں نشیلی اشیاء اور دیگر ممنوعہ سامان ضبط کیے گئے۔