2-2 کورونا ویکسین کو مل چکی منظوری، لیکن ٹیکہ نہیں لگانا چاہتے 69 فیصد ہندوستانی!

بھلے ہی ہندوستان نے کچھ دنوں کے اندر شروع ہونے والی اجتماعی ٹیکہ کاری مہم کی تیاری کر لی ہو، لیکن بدھ کو سامنے آئے ایک سروے میں انکشاف ہوا ہے کہ کووڈ-19 کا ویکسین لینے میں تقریباً 69 فیصد لوگ اب بھی جھجک رہے ہیں۔ ’لوکل سرکلس‘ کے ذریعہ جنوری میں کیے گئے سروے میں یہ نیتجہ اخذ کیا گیا ہے کہ کووڈ-19 ویکسین کو لے کر ہندوستانیوں میں جھجک میں نومبر اور دسمبر 2020 میں کوئی تبدیلی نہیں ہوئی ہے۔ ہندوستان کے 69 فیصد لوگوں کا کہنا ہے کہ وہ اسے لینے میں جلدبازی نہیں کریں گے۔

سروے میں پوچھے گئے سوال پر کہ کیا وہ ویکسین لیں گے، اس پر 8723 لوگوں کے نظریات سامنے آئے، جس میں سے صرف 26 فیصد شہریوں نے کہا کہ وہ اسے پرائیویٹ یا کسی بھی ہیلتھ سروس ذرائع سے موصول ہوتے ہی لے لیں گے، جب کہ 5 فیصد نے کہا کہ پہلے صحت یا فرنٹ لائن مزدوروں کے لیے یہ ضروری ہے اور خود کو سرکاری چینلوں کے ذریعہ سے ترجیح کی بنیاد پر ویکسین لگوائیں گے۔

سروے کے نتائج سے اشارہ ملتا ہے کہ ٹیکہ کاری کے لیے دو ویکسین کو ریگولیٹری کی جانب سے ہری جھنڈی ملنے کے بعد 69 فیصد شہریوں میں جھجک بنی ہوئی ہے۔ تازہ سروے میں دسمبر 2020 میں شائع نتائج کے بعد سے کوئی تبدیلی نہیں آئی ہے۔ نومبر اور اکتوبر 2020 میں سروے میں بالترتیب 59 فیصد اور 61 فیصد شہری ویکسین لینے میں جھجک کا اعتراف کیا تھا۔

ہندوستان کے ڈرگ ریگولیٹری نے مبینہ طور پر بھارت بایوٹیک کی ویکسین کو 12 سال سے زیادہ عمر کے بچوں کے لیے ہری جھنڈی دے دی ہے۔ جب لوکل سرکلس نے والدین سے پوچھا کہ ’’اگر اسکولی بچوں کے لیے کووڈ-19 ویکسین دستیاب کرائی جاتی ہے تو کیا آپ اسے اپنے بچے یا پوتے کو دینے پر غور کریں گے؟‘‘ اس کے جواب میں صرف 26 فیصد ہندوستانی والدین نے اپنے بچے کو ویکسین دیے جانے پر اتفاق ظاہر کیا۔

علاوہ ازیں 56 فیصد سرپرستوں نے کہا کہ ’’تین مہینے یا اس سے زیادہ وقت تک انتظار کریں گے اور پھر ڈاٹا یا ریزلٹ کی بنیاد پر غور کریں گے، جب کہ 12 فیصد نے ’نہیں’ کہہ دیا۔ اس سوال پر سروے میں 10468 رد عملس امنے آئے۔ اس سے پتہ چلتا ہے کہ ایک بڑا طبقہ اپنے بچوں کو کووڈ ویکسین دینے میں جھجک رہا ہے۔

لوکل سرکلس سروے میں 69 فیصد سرپرستوں نے کہا کہ وہ چاہتے ہیں اسکول 2021 اپریل یا اس کے بعد کھلیں۔ اس سے واضح ہو رہا ہے کہ کورونا انفیکشن معاملوں میں گراوٹ کے ساتھ ہی والدین بچوں کو اسکول بھیجنے کے تئیں زیادہ مطمئن ہو رہے ہیں۔ اس کے علاوہ صرف 26 فیصد والدین اپنے بچوں کے لیے ویکسین کی سیکورٹی کا مطالبہ کر رہے ہیں۔