جوابی کارروائی میں 6 سے 10 پاکستانی فوجی ہلاک: جنرل راوت کا بیان

نئی دہلی: فوجی سربراہ جنرل بپن راوت نے اتوار کو اس بات کی تصدیق کی کہ پاکستانی فوجیوں کی طرف سے جموں کشمیر کے تنگدھر سیکٹر میں جنگ بندی کی خلاف ورزی کرتے ہوئے بلا اشتعال فائرنگ کے جواب میں ہندستانی فوج کی کارروائی میں 6 سے 10 پاکستانی فوجی ہلاک ہوگئے اور انکے تین کیمپ بھی تباہ ہوگئے۔

فوجی سربراہ نے صحافیوں سے کہا، ’’ہمیں اطلاع ملی تھی کہ سرحدی علاقہ میں دہشت گرد کیمپوں کے نزدیک آرہے ہیں ۔گزشتہ ماہ ہم نے دیکھا کہ دراندازی کی متعددبار کوششیں ہوئی ہیںوزخمی ہوگئے ۔ ہندستانی فوجیوں نے پاک مقبوضہ کشمیر میں کنڑول لائن پر جوابی کارروائی میں کم سے کم تین لانچ پیڈ کو نشانہ بنایا۔ یہ کارروائی اتوار کی صبح پاکستانی فوجیوں کی طرف سے جنگ بندی کی خلاف ورزی کرتے ہوئے اندھادند فائرنگ، جس میں ضلع کپواڑہ کے تنگ دھر سیکٹر میں دوفوجی اور ایک شہری ہلاک اور تین زخمی ہوگئے، کے بعد کی گئی ۔‘‘

سری نگر میں سرکاری ذرائع نے کہا کہ ہندستانی فوجیوں نے اپنے علاقہ سے کنٹرول لائن کے نزدیک ملی ٹینٹس کے لانچ پیڈ کو توپ خانہ سے نشانہ بنایا اور پاک مقبوضہ کشمیر میں داخل نہیں ہوئے۔

سرکاری ذرائع نے کہاکہ پاکستانی فوجیوں نے اس سے قبل کپوارہ میں تیتوال تنگ دھر سیکٹر میں سرحدپار سے مورٹار کے گولے داغے اور خود کار ہتھیاروں سے بلاامتیاز فائرنگ کی جس میں انھوں نے کنٹرول لائن پر کل دیررات اگلی چوکیوں اور شہری علاقوں کو نشانہ بنایا۔ ہندستانی فوجیوں نے جوابی کارروائی کی اور فائرنگ اتوار کو اولین ساعتوں تک جاری رہی ۔

انھوں نے کہاکہ گولہ باری میں ایک درجن سے زیادہ مکانات کوبھی نقصان پہنچا ۔شہریوں کو محفوظ مقامات پر پہنچانے کے لیے آج صبح ایک بڑی مہم شروع کی گئی ۔

فوج کے ایک ترجمان کے مطابق فائرنگ میں محمد صادق (55) نامی ایک شہری ہلاک ہوگیا۔زخمیوں کی شناخت محمدمقبول (70)، محمد شفیع (50) اور یوسف حامد (22) کی شکل میں ہوئی ہے۔

پاکستانی فوجیوں نے ضلع بارہمولہ کے اوری میں حاجی پور سیکٹر میں شہری علاقوں اور اگلی چوکیوں کو نشانہ بناکر مورٹار داغے اور فائرنگ کی ۔انھوں نے مزید کہاکہ ہندستانی فوجیوں نے جوابی کارروائی کرتے ہوئے پاکستان کے بنکر کونشانہ بنایا۔