بہار کی راجدھانی پٹنہ میں سلنڈر دھماکہ کے بعد شدید آتشزدگی کا واقعہ پیش آیا ہے۔ اس آتشزدگی کی وجہ سے تقریباً 40 جھونپڑیاں خاکستر ہو گئیں اور سینکڑوں افراد آشیانے سے محروم ہو گئے۔ میڈیا رپورٹس کے مطابق آشیانہ دیگھا روڈ نالا کے کنارے بنی جھونپڑیوں میں جمعرات کی دوپہر آگ لگ گئی جس کے بعد ایک ایک کر کے کم و بیش 40 جھونپڑیاں خاک ہو گئیں۔ آگ لگنے کے بعد افرا تفری کا ماحول پیدا ہو گیا اور کچھ لوگوں نے اس کی اطلاع فائر بریگیڈ کو دی۔ فائر بریگیڈ کی ٹیم جب تک جائے حادثہ پر پہنچی جگہ جگہ ملبہ کا ڈھیر جمع ہو گیا تھا۔ لوگ اس بات سے بھی کافی ناراض دکھائی دے رہے ہیں کہ آگ کی خبر دینے کے تقریباً 2 گھنٹے بعد فائر بریگیڈ کی ٹیم علاقے میں پہنچی۔
Published: undefined
موصولہ اطلاعات کے مطابق بجلی کے شارٹ سرکٹ کی وجہ سے ایک جھونپڑی میں آگ لگی تھی جس سے وہاں رکھے سلنڈر میں دھماکہ ہو گیا اور پھر آگ تیزی سے دیگر جھونپڑیوں میں بھی پھیل گئی۔ اس واقعہ میں کسی جانی نقصان کی خبر نہیں ہے، لیکن سینکڑوں افراد آشیانہ سے محروم ہو گئے ہیں اور جھونپڑیوں میں رکھے سامان جل گئے ہیں۔ فائر بریگیڈ کی 6 گاڑیاں جب موقع پر پہنچیں تو آگ پر قابو پایا جا سکا۔
Published: undefined
جھونپڑیوں میں آگ لگنے کے بعد وہاں رہنے والے لوگ اپنا اپنا سامان نکالنے کی کوشش کرتے نظر آئے، لیکن بہت زیادہ کامیابی نہیں ملی۔ آگ جس جگہ پر لگی ہے وہ پٹنہ کے راجیو نگر کے نیپالی نگر واقع جھونپڑپٹی والا علاقہ ہے۔ یہ وہی علاقہ ہے جو کچھ دنوں پہلے تجاوزات ہٹاؤ مہم کے پیش نظر پولیس کارروائی کو لے کر سرخیاں بنا تھا۔
Published: undefined
اس معاملے میں راجیو نگر تھانہ کے تھانہ انچارج نے بتایا کہ آگ لگنے کی وجہ سے 40 سے زائد جھونپڑیاں جل گئی ہیں۔ 200 سے زیادہ لوگ اس سے متاثر ہوئے ہیں۔ پولیس آگ لگنے کے اسباب کے بارے میں تحقیقات کر رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined