دبئی: دہلی کیپٹلز کے تجربہ کار اسپنر روی چندرن اشون نے آئی پی ایل میں نان اسٹرائیکر اینڈ کے بلے بازوں کو پہلا اور آخری انتباہ دیا ہے کہ اگر وہ کریز سے باہر پائے گئے تو وہ انہیں رن آؤٹ کرنے سے گریز نہیں کریں گے۔
Published: undefined
بنگلور کے بلے باز ایرون فنچ کو کریز سے باہر نکلنے پر رن آؤٹ نہ کرنے اور اپنی ٹیم کے کوچ رکی پونٹنگ سے کیا ہوا وعدہ برقرار رکھنے کے بعد پیر کو رائل چیلنجرز بنگلور کے خلاف میچ میں انہوں نے کہا ہے کہ یہ بلے بازوں کے لئے ان کا آخری انتباہ ہے کہ اگر وہ نان اسٹرائیکر اینڈ میں کریز سے باہر پائے گئے تو وہ رن آؤٹ کرنے سے گریز نہیں کریں گے۔
Published: undefined
اگر گیند باز کے بولنگ کرنے سے پہلے بلے باز نان اسٹرائیکر اینڈ پر کریز سے باہر جاتا ہے اور بالر اسے رن آؤٹ کردیتا ہے تو اسے مانکیڈنگ کہا جاتا ہے۔ ہندوستانی آل راؤنڈر وینو مانکڈ نے 1947 میں آسٹریلیائی بل براؤن کو اسی طرح رن آؤٹ کیا تھا جب سے اس طرح کے رن آؤٹ کو مانکڈ کے تعلق مانکنڈنگ کہا جاتا ہے۔
Published: undefined
اشون نے فنچ کو اس طرح رن آؤٹ نہیں کیا اور بنگلور کو شرمناک شکست دینے کے بعد ٹوئٹر پر نان اسٹرائیکر بلے بازوں کو متنبہ کیا۔ انہوں نے ٹوئٹ کیا کہ یہ سال 2020 کا آخری انتباہ ہے۔ میں اب باضابطہ طور پر یہ واضح کر رہا ہوں کہ نان اسٹرائیکر بلے باز میری بولنگ کے دوران کریز میں موجود رہیں اور کریز سے باہر آنے کی حماقت نہ کریں، بعد میں مجھ پر اس کا الزام نہ رکھیں۔
Published: undefined
اشون نے اپنی ٹیم کے کوچ پونٹنگ کو بھی ٹیگ کیا ہے۔ پونٹنگ نے آئی پی ایل سے پہلے کہا تھا کہ وہ مانکیڈنگ کو پسند نہیں کرتے کیونکہ یہ کھیل کی روح کے خلاف ہے، وہ اس معاملے میں اشون سے بات کریں گے۔ دبئی پہنچنے پر اشون اور پونٹنگ کے مابین اس معاملے پر تبادلہ خیال کیا گیا اور ہندوستانی اسپنر نے فنچ کو رن آؤٹ نہ کر کے اپنے کوچ کا عہد برقرار رکھا۔
Published: undefined
لیکن اس کے بعد اشون نے یہ واضح کر دیا ہے کہ وہ ایسے بلے باز کو نہیں بخشیں گے جو دوبارہ اس طرح کی حرکت کرے گا۔ اشون نے حقیقت میں گزشتہ سال راجستھان رائلز کے جوز بٹلر کو آؤٹ کیا تھا جس کے بعد ان کی کھیل کی روح توڑنے پر تنقید کی گئی تھی۔ اشون اس وقت پنجاب کی ٹیم کے کپتان تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined