جب ٹرمپ کو لگی تھی گولی تو پوتن بھاگے بھاگے پہنچ گئے تھے چرچ اور کی تھی دعا، ایک غیر معمولی واقعہ کا انکشاف

ڈونالڈ ٹرمپ کے ٹاپ ایلچی اسٹیو وٹکاف نے امریکی صدر ڈونالڈ ٹرمپ اور روسی صدر ولادیمیر پوتن کے درمیان گہری دوستی کے ایک غیر معمولی واقعہ کا انکشاف کیا ہے۔ وٹکاف کے مطابق پوتن نے ٹرمپ پر حملے کے بعد ان کی حفاظت کے لیے دعا کی تھی۔ یہ دعا پوتن اور ٹرمپ کے درمیان انوکھے تعلقات کو ظاہر کرتا ہے۔

اسٹیو وٹکاف نے سابق فاکس نیوز ہوسٹ ٹکر کارلسن کے پوڈ کاسٹ پر پوتن اور ٹرمپ کے درمیان کی انوکھی دوستی کا ذکر کیا۔ انہوں نے بتایا کہ جب ٹرمپ پر حملہ ہوا تھا تو پوتن نے اپنے مقامی چرچ میں جاکر ان کے لیے دعا کی تھی۔ وٹکاف نے کہا، "جب صدر ٹرمپ پر گولی چلائی گئی تھی تو پوتن اپنے پجاری سے ملے اور ٹرمپ کے لیے دعا کی، وہ اپنے دوست کے لیے دعا کر رہے تھے۔"

یہ واقعہ تب پیش آیا تھا جب پنسلوانیہ میں تھامس میتھیو کروکس کی طرف سے چلائی گئی گولی ٹرمپ کو لگی تھی، لیکن خوش قسمتی سے ان کی جان بچ گئی تھی۔ اس دوران کریملن کے ترجمان نے ٹرمپ کے مخالفین پر حملہ کروانے کا الزام لگایا تھا۔

وٹکاف نے بتایا کہ جب انہوں نے پوتن کی یہ بات ٹرمپ کو بتائی تو وہ کافی جذباتی ہو گئے۔ اس حادثہ نے دونوں رہنماؤں کے درمیان خوشگوار تعلقات کو اور گہرا کر دیا۔ اس کے علاوہ پوتن نے ٹرمپ کے لیے ایک خاص تصویر بھی تحفہ میں دی تھی، جسے ایک روسی فنکار نے بنائی تھی۔ واضح رہے کہ ٹرمپ نے کئی بار پوتن کی تعریف کی ہے اور انہیں طاقتور اور مضبوط رہنما کہا ہے۔

حال ہی میں دونوں رہنماؤں نے یوکرین جنگ کو ختم کرنے کی کوشش پر بات چیت کی۔ دونوں رہنماؤں کے درمیان اس معاملے پر دو گھنٹے تک تبادلہ خیال ہوا، جسے ٹرمپ نے بہت ہی اچھا اور مفید بتایا۔ یوکرین میں روس کے حملے کے دوران دونوں رہنماؤں کے تعلقات موضوع بحث رہے ہیں۔ پوتن اور ٹرمپ کی دوستی نے سیاسی اور سفارتی نقطہ نظر سے نئی بحث چھیڑ دی ہے۔