عالمی خبریں
یوکرین کے نیوکلیائی تنصیبات کے لیے آئی اے ای اے دے گا ورکنگ گروپ تشکیل
رافیل گروسی نے کہا کہ ماہرین پہلے ہی ریڈیولاجیکل اسیسمنٹ کرنے اور حفاظتی اقدامات کی نگرانی کے نظام کو بحال کرنے کے لیے آلات کی پہلی کھیپ یہاں لا چکے ہیں۔
ویانا: بین الاقوامی ایٹمی توانائی ایجنسی (آئی اے ای اے) کے ڈائریکٹر جنرل رافیل گروسی نے کہا ہے کہ آئی اے ای اے یوکرین میں نیوکلیائی مراکز میں عملے کی مدد اور حمایت کے لیے ایک ورکنگ گروپ قائم کرے گی۔ چرنوبل نیوکلیئر پاور پلانٹ (این پی پی) کے ماہر مشن کی قیادت کرنے والے رافیل گروسی 26 اپریل کو یوکرین پہنچے۔
Published: undefined
انہوں نے منگل کو ٹوئٹ کرتے ہوئے کہا کہ ’’آئی اے ای اے یوکرین کے جوہری مقامات کو محفوظ رکھنے کے لیے سخت محنت کر رہے امدادی اور معاون عملے کو مربوط کرنے کے لیے ایک ورکنگ گروپ کی تشکیل کرے گی‘‘۔ انہوں نے کہا کہ ماہرین پہلے ہی ریڈیولاجیکل اسیسمنٹ کرنے اور حفاظتی اقدامات کی نگرانی کے نظام کو بحال کرنے کے لیے آلات کی پہلی کھیپ یہاں لا چکے ہیں۔
Published: undefined
رافیل گروسی نے چرنوبل این پی پی میں 36 سال قبل پیش آئے واقعے کے متاثرین کی یاد کو بھی خراج عقیدت پیش کیا۔ واضح رہے کہ یہ حادثہ 26 اپریل 1986 کو چرنوبل پاور پلانٹ میں پیش آیا تھا جسے تاریخ کا بدترین نیوکلیائی حادثہ سمجھا جاتا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined