پاکستان: سڑک حادثے میں 19 افراد ہلاک، 40 سے زائد زخمی

اسلام آباد: پاکستان میں ڈیرہ غازی خان میں غازی گھاٹ کے نزدیک اتوار کو دو بسوں کی آپسی تصادم میں کم از کم 20 افراد ہلاک اور 40 سے زائد زخمی ہوگئے۔

ریسکیو اور پولس اہلکار وں کے مطابق 2 تیز رفتار بسیں آپس میں ٹکرا گیئں جس کے نتیجہ میں ان میں سوار 15 لوگوں کی موقع پر ہی موت ہوگئی۔ اس زبردست حادثے میں زخمی افراد کو قریبی اسپتالوں میں داخل کرا دیا گیا ہے جہاں دیگر 4 لوگوں نے دم توڑ دیا۔

ریڈیو پاکستان کے مطابق وزیر اعظم عمران خان اور صدر ڈاکٹر عارف علوی نے اس حادثے پر گہرے دکھ کا اظہار کیا ہے۔ انہوں نے ایک بیان جاری کرتے ہوئے زخمیوں کے رشتہ داروں کے تیئں ہمدردی کا اظہار کیا اور زخمیوں کو مناسب طبی امداد فراہم کرانے کی ہدایت دی۔

پنجاب کے وزیر اعلی سردار عثمان احمد خان بجدر نے اس حادثہ میں لوگوں کی موت پر گہرے رنج وغم کا اظہار کیا ہے۔