امریکہ میں کورونا سے 5.24 لاکھ سے زیادہ افراد کی اموات

واشنگٹن: عالمی وبا کورونا وائرس سے سنگین طور پر متاثر امریکہ میں اب تک 5.24 لاکھ سے زیادہ لوگوں کی موت ہوچکی ہیں۔ امریکہ میں یہ وبا بڑی شکل اختیار کرچی ہے اور اب تک 2.89 کروڑسے زیادہ لوگ اس سے متاثر ہوچکے ہیں۔ امریکہ کی جان ہاپکنز یونیورسٹی کے سائنس اینڈ ٹکنالوجی کے مرکز (سی ایس ایس ای) کی جانب سے جاری کیے گئے تازہ اعداد و شمار کے مطابق امریکہ میں کورونا سے مرنے والوں کی تعداد 524963 تک پہنچ گئی ہے، جبکہ متاثر ہونے والوں کی تعداد 28987905 ہوگئی ہے۔

امریکہ کا کیلی فورنیا، نیو یارک صوبہ کورونا سے سب سے زیادہ متاثر ہیں۔ صرف کیلی فورنیا میں، کوڈ- 19 سے اب تک 54217 افراد ہلاک ہوچکے ہیں۔ نیویارک میں، 48335 افراد کورونا انفیکشن کی وجہ سے ہلاک ہوگئے ہیں۔ ٹیکساس میں اس کی وجہ سے 45313 افراد اپنی زندگی سے ہاتھ دھو بیٹھے ہیں جبکہ فلوریڈا میں کووڈ- 19 نے 31693 لوگوں کی جانیں لی ہیں۔ اس کے علاوہ نیو جرسی میں 23574، الیانایس میں 23015، جارجیا میں 17906 اور پنسلوانیہ میں 24334 افراد ہلاک ہوئے۔ واضح رہے کہ ملک میں کورونا ویکسینیشن مہم بھی بڑے پیمانے پرجاری ہے۔