ایران نے مارگرایا امریکہ کا ایف ۔15جنگی طیارہ، آئی آر جی سی کی اپیل، کسی پائلٹ کے ساتھ بدسلوکی نہ کریں‘

ایران پر مسلط کردہ جنگ میں امریکہ کو ایک اور بڑا جھٹکا لگا ہے۔ ایف۔ 35 لڑطیارے کے بعد اب امریکی ایف۔ 15ای جنگی طیارہ ایران میں مار گرایا گیا ہے۔ 28 فروری کو جنگ شروع ہونے کے بعد اس طرح متعدد طیارے مارگرائے جانے کی خبریں ہیں۔ طیارے میں دو لوگ سوار تھے جن میں ایک پائلٹ اور پیچھے سیٹ پر ویپن سسٹم آفیسر شامل تھے۔ حالانکہ عملے کے دو ارکان میں سے ایک کو امریکی اسپیشل فورسز نے پہلے ہی بچا لیا ہے۔ وہیں دوسرے کرو کی تلاش جاری ہے۔ اس بات کی رپورٹ ’ایکسوس‘ اور ’سی بی ایس نیو‘ نے کی ہے۔

ایرانی ٹی وی چینلز نے اعلان کیا ہے کہ اگر کوئی شہری امریکی پائلٹ یا پائلٹوں کو پکڑ کر پولیس یا فوج کے حوالے کرے تو اسے انعام دیاجائے گا۔  ٹی وی چینل کے اینکر نے کہا کہ آج مارے جانے والے امریکی پائلٹ کی تلاش کے لیے مسلح افواج نے سرچ آپریشن شروع کر دیا ہے۔ کوہگیلویہ اور بوئیر احمد صوبوں کے معزز شہریوں، اگر آپ دشمن کے پائلٹ یا آفیسر کو زندہ پکڑ کر پولیس اور مسلح افواج کے حوالے کر دیں تو آپ کو قیمتی انعام ملے گا۔

کوہگیلویہ اور بوئیر احمد صوبے انتہائی دیہی اور پہاڑی علاقے ہیں جس کا کل رقبہ تقریباً 15,500 مربع کلومیٹر (5,900 مربع میل) ہے۔ ایرانی حکام نے پڑوسی صوبوں چہارمحل اور بختیاری میں بھی تلاشی لینے کی اپیل کی ہے۔ ایرانی ٹی وی پر ایک آن اسکرین پیغام میں عوام کو متنبہ کیا گیا کہ  کہ اگر آپ انہیں دیکھیں تو گولی مار دیں۔ اس کے بعد مقامی لوگ امریکی پائلٹ کو پکڑنے کی کوشش کرنے کے لیے نجی گاڑیوں میں جائے حادثہ پر پہنچے۔

اس دوران ایرانی مسلح افواج نے عوام پر زور دیا کہ وہ کسی کو پائلٹ کے ساتھ بدسلوکی کی اجازت نہ دیں۔ ایران کے سرکاری نشریاتی ادارے آئی آر آئی بی نے ’ایکس‘پر لکھا کہ جنوب مغربی ایران میں بہت سے لوگ نجی گاڑیوں میں امریکی لڑاکا طیارے کے حادثے کی جگہ کے قریب پائلٹ کو پکڑنے کے لیے گئے ہیں۔ ایرانی مسلح افواج (آئی آر جی سی)نے عوام سے اپیل کی ہے کہ وہ کسی کو پائلٹ کے ساتھ بدسلوکی کی اجازت نہ دیں۔ سوشل میڈیا اور ایرانی نیوز سائٹس پر وائرل ہونے والی تصاویر اور ویڈیوز میں امریکی ہیلی کاپٹر اور دیگر طیارے حادثے کی جگہ پر کم اونچائی پر اڑتے ہوئے دکھائے گئے ہیں۔ یہ مناظر امریکہ کے بڑے میڈیا اداروں نے بھی رپورٹ کیے ہیں۔