نئے سال کی تقریبات کے دوران سوئٹزر لینڈ کے ریزورٹ میں دھماکہ، 10 لوگوں کی موت، متعدد زخمی

نئے سال کے جشن کے دوران جمعرات کو سوئٹزرلینڈ میں زوردار دھماکے سے افرا تفری مچ گئی۔ یہاں نئے سال کے پہلے دن ایک سکی ریزورٹ میں دھماکہ ہوا جس کے بعد آگ لگ گئی۔ ابتدائی طور پراس واردات میں 10 لوگوں کی موت کی خبر آ رہی ہے جبکہ کئی زخمیوں کو اسپتال لے جایا گیا ہے۔ سوئس پولیس نے جمعرات کی صبح بتایا کہ یہ دھماکہ لگژری الپائن سکی ریزورٹ سٹی کرانس مونٹانا کے ایک بار میں ہوا۔ پولیس نے بتایا کہ دھماکے کی وجہ تاحال معلوم نہیں ہوسکی ہے۔

جنوب مغربی سوئٹزرلینڈ کے والس کینٹن میں پولیس کے ایک ترجمان گیٹن لیتھن نے اے ایف پی کو بتایا کہ نامعلوم وجوہات کی بناء پر دھماکہ ہوا ہے جس میں شروعاتی خبروں کے مطابق 10 افراد ہلاک اور متعدد زخمی ہو گئے۔ انہوں نے بتایا کہ دھماکہ صبح 1.30 (00.30 جی ایم ٹی) بجے لی کنسٹیلیشن نامی ایک ریزورٹ میں ہوا جو سیاحوں کے درمیان کافی مقبول ہے۔ واردات کے وقت لوگ یہاں نئے سال کا جشن منا رہے تھے۔

دھماکے کی وجہ سے ریزورٹ میں بھیانک آگ لگ گئی اور لوگوں کو چیختے چلاتے باہر بھاگتے ہوئے دیکھا گیا۔ پولیس نے فوری طور پر کارروائی کی اور آگ بجھانے کی کوشش کی جس نے ریزورٹ کو لپیٹ میں لے لیا تھا۔ سوشل میڈیا پر گردش کرنے والی ویڈیوز میں دھماکے کے فوراً بعد آگ بھڑکتی دکھائی دے رہی ہے۔ لوگ زخمیوں کو بچانے کے لیے دوڑتے نظر آرہے ہیں۔

 سوئس میڈیا کے حوالے سے سامنے آنے والی تصاویر میں ایک عمارت میں آگ لگی ہوئی دیکھی جاسکتی ہے۔ وہیں قریب ہی کئی ایمرجنسی گاڑیاں دکھائی دے رہی ہیں۔ ویڈیو میں دھماکے کے بعد آگ کے شعلے بلند ہوتے دکھائی دے رہے ہیں۔ پولیس کا کہنا ہے کہ امدادی کارروائیاں جاری ہیں، ابتدائی طور پرہلاکتوں کی سہی تعداد معلوم نہیں ہوسکی ہے۔

خبروں کے مطابق کرانس مونٹانا ویلس کے سوئس علاقے میں ایک اپ مارکیٹ سکی ہے۔ یہ ریزورٹ برطانوی سیاحوں کے درمیان زبردست مقبول ہے۔ جنوری کے آخر میں یہ ریزورٹ ایک بڑے اسپیڈ اسکیننگ اوینٹ، ایف آئی ایس ورلڈ کپ کی میزبانی کرنے والا ہے۔ کرانس مونٹانا سوئٹزرلینڈ کی راجدھانی برن سے تقریباً دو گھنٹے کی دوری پرہے۔