ممبئی: سپر اسٹار شاہ رخ خان اور ان کی فیملی کے لیے گزرا ایک مہینہ کافی مشکل بھرا ثابت ہوا۔ منشیات کیس میں پھنسے بیٹے آرین خان کی درخواست ضمانت 28 اکتوبر کو منظور ہوئی۔ شاہ رخ خان نے اپنے بیٹے آرین کو جیل سے نکالنے کی پوری کوشش کی اور اب شاہ رخ خان بیٹے کی حفاظت کے حوالہ سے سنجیدہ ہو گئے ہیں۔
Published: undefined
میڈیا رپورٹ کے مطابق شاہ رخ خان اور ان کی اہلیہ گوری خان اپنے بیٹے آرین کے لیے ایک قابل اعتماد باڈی گارڈ کی تلاش میں ہیں۔ انہیں ایک ایسا ذاتی محافظ درکار ہے جو ہمیشہ آرین کے ساتھ رہے اور انہیں ہر پریشانی سے بچائے، بالکل اسی طرح جس طرح شاہ رخ کے محافظ روی سنگھ برسوں سے کنگ خان کی حفاظت کر رہے ہیں۔
Published: undefined
فیملی کے قریبی ذرائع نے انکشاف کیا ہے کہ شاہ رخ کو جلد ہی اپنی فلموں کی شوٹنگ کے لیے شہر اور ملک سے باہر جانا پڑے گا۔ شاہ رخ خان کے ساتھ ان کے محافظ روی سنگھ بھی ہوں گے۔ روی سنگھ نے مشکل وقت میں آرین خان کی بہت مدد کی اور ان کی حفاظت کی ذمہ داری لی۔ روی کی غیر موجودگی میں شاہ رخ خاص طور پر کوئی ایسا قابل اعتماد شخص چاہتے ہیں جو آرین کی حفاظت کر سکے۔
Published: undefined
آرین خان کیس کی تحقیقات اب این سی بی کی ایک نئی ٹیم کر رہی ہے، ایسے میں انہیں پوچھ گچھ کے لیے بار بار این سی بی آفس بلایا جا رہا ہے۔ شاہ رخ خان کو اس بات کی فکر ہے کہ اگر آرین خان بغیر کسی محافظ کے این سی بی کے پاس جاتے ہیں تو اس سے کافی ہنگامہ ہو سکتا ہے۔
Published: undefined
آرین سے متعلق کروز ڈرگس کیس کی بات کریں تو خراب صحت کا حوالہ دیتے ہوئے گزشتہ روز نارکوٹکس کنٹرول بیورو (این سی بی) کے سامنے پیش نہیں ہوئے۔ رپورٹ کے مطابق این سی بی کے ڈائریکٹر سمیر وانکھیڈے کی برطرفی کے بعد معاملے کی جانچ کر رہی خصوصی تفتیشی ٹیم (ایس آئی ٹی) نے 23 سالہ آرین سے میڈیکل رپورٹ پیش کرنے کے لئے کہا ہے۔
Published: undefined
مرکزی ایجنسی کے ذرائع نے بتایا کہ آرین کو پہلے ایس آئی ٹی کے سامنے پیش ہونے کے لیے طلب کیا گیا تھا، لیکن وہ کووڈ-19 جیسی علامات کا حوالہ دیتے ہوئے پیش نہیں ہوئے۔ ڈی ڈی جی این سی بی سنجے سنگھ کی قیادت میں ایک نئی ٹیم نے ہفتے کے روز کروز ڈرگس معاملے کو اپنے ہاتھ میں لیا۔ یہ معاملہ ان چھ معاملات میں سے ایک ہے جن کی سمیر وانکھیڈے تفتیش کر رہے تھے۔ ذرائع نے بتایا کہ میڈیکل رپورٹ آنے کے بعد ہی این سی بی کوئی فیصلہ کرے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined