ویسٹ انڈیز کے خلاف ٹیسٹ سیریز کے لیے ٹیم انڈیا کا اعلان، جڈیجہ بنے نائب کپتان، کرون نائر باہر

ویسٹ انڈیز کے خلاف اگلے مہینے سے شروع ہونے والی ٹیسٹ سیریز کے لیے ٹیم انڈیا کا اعلان کر دیا گیا ہے۔ اس سیریز کا پہلا مقابلہ 2 اکتوبر کو کھیلا جائے گا جبکہ دوسرا ٹیسٹ 10 اکتوبر کو ہوگا۔ ٹیم انڈیا کے چیف سلیکٹر اجیت اگرکر نے دبئی میں پریس کانفرنس کے دوران 15 رکنی ٹیم کا اعلان کیا۔

ٹیم انڈیا کی کمان شبھمن گل کے پاس ہی رہے گی جبکہ رویندر جڈیجہ کو ان کے نائب کی ذمہ داری سونپی گئی ہے۔ ویسے شیریس ایّر کی ٹیم میں واپسی نہیں ہو سکی ہے کیونکہ انہوں نے بی سی سی آئی سے 6 مہینے کا ریڈ بال کرکٹ سے لمبا بریک لیا ہے۔

اعلان کی گئی ٹیم میں بڑی تبدیلی دیکھنے کو ملی ہے۔ زخمی ہونے کی وجہ سے رشبھ پنت سیریز سے باہر ہو گئے ہیں، ان کی جگہ دھرو جوریل وکٹ کیپر کی ذمہ داری نبھائیں گے۔ اس کے علاوہ کرون نائر کی ٹیم سے چھٹی ہو گئی ہے کیونکہ انگلینڈ دورہ میں ان کارکردگی امید کے مطابق نہیں رہی تھی۔

وہیں اکچھر پٹیل اور ٹاپ آرڈر بلے باز دیو دت پڈیکل کی ٹیم میں واپسی ہوئی ہے۔ اکچھر نے آخری مرتبہ ہندوستان کے لیے فروری 2024 میں ٹیست میچ کھیلا تھا جبکہ پڈیکل نے 2024 نومبر مہینے میں ٹیم انڈیا کے لیے آخری بار کھیلتے ہوئے نظر آئے تھے۔

ویسٹ انڈیز دورے کی بات کی جائے تو ٹیم انڈیا وہاں آخری مرتبہ 2023 میں ٹیسٹ سیریز کھیلنے گئی تھی۔ اس دوران ٹیم نے سیریز کو 0-1 سے اپنے نام کیا تھا۔ اس مرتبہ دیکھنا ہے کہ نوجوان ٹیم انڈیا وہاں کیا کمال دکھاتی ہے۔

ٹیم انڈیا اس طرح ہے: شبھمن گل (کپتان)، یشسوی جیسوال، کے ایل راہل، دیودت پڈیکل، دھرو جوریل (وکٹ کیپر)، رویندر جڈیجہ (نائب کپتان)، واشنگٹن سندر، جسپریت بمرہ، اکچھر پٹیل، نتیش کمار ریڈی، محمد سراج، پرسدھ کرشنا، کلدیپ یادو، این جگدیشن۔