روی بشنوئی ایک بہترین ٹیلنٹ ہے: روہت شرما

کولکاتہ: ہندوستانی کپتان روہت شرما نے ویسٹ انڈیز کے خلاف پہلا ٹی ٹوئنٹی چھ وکٹوں سے جیتنے کے بعد کہا کہ ہاں، میچ درمیان میں ہی پھنس گیا تھا، لیکن آخر میں ہم جیت گئے۔ یہ اچھی بات ہے۔ ہم نے اچھی باؤلنگ کی اور انہیں کم اسکور تک محدود رکھا۔

بدھ کو میچ کے بعد روہت نے کہا کہ ’’بلے بازی کے بیچ میں یقینی طور پر تھوڑی سی چوک ہوئی، جیسا کہ میں نے پہلے بھی کہا تھا۔ روی بشنوئی ایک عمدہ ہنر ہے اور اس میں ورسیٹلٹی ہے۔ وہ پاور پلے سے آخر تک اچھی گیند بازی کر سکتا ہے۔ انہوں نے پہلے میچ میں اچھی بولنگ کی۔ ہم نے شریاس سے بات کی ہے کہ ہمیں ایک ایسے بلے باز کی ضرورت ہے جو تھوڑی بہت گیند کر سکے اور وہ اسے سمجھتے بھی ہیں۔ ٹیم میں اچھے کھلاڑی ہیں اور یہ اچھا مقابلہ ہے کہ ہمیں اچھے کھلاڑیوں کو بھی باہر رکھنا پڑ رہا ہے۔‘‘

ویسٹ انڈیز کے کپتان کیرون پولارڈ نے کہا کہ ہم نے درمیانی اوورز میں سست بیٹنگ کی، اس سے میچ میں فرق پڑا۔ ہمیں اسے بہتر کرنا ہے۔ ہمارے پاس اچھے گیند باز ہیں، انہیں اچھا کرنا ہوگا۔ ہم اس پر کام کریں گے اور امید ہے کہ ہم اگلے میچ میں واپسی کریں گے۔