نئی دہلی: نفرت کے دور میں کرکٹ کے میدان سے محبت کی تصویر ابھری ہے۔ یہ تصویر ایشیا کپ میں ہفتہ کو ہندوستان اور پاکستان کے درمیان کھیلے جانے والے میچ کی ہے۔ سوشل میڈیا پر اس تصویر کا کافی چرچا ہو رہا ہے۔ اسے کافی پسند بھی کیا جا رہا ہے۔ یہ تصویر ہاردک پانڈیا اور پاکستانی کھلاڑی شاداب خان کی ہے۔ تصویر میں دیکھا جا سکتا ہے کہ پاکستانی کھلاڑی شاداب خان ہاردک پانڈیا کے جوتے کے فیتے باندھ رہے ہیں۔ لوگوں نے شاداب کی اسپورٹس مین شپ کی تعریف کی ہے۔
Published: undefined
ٹیم انڈیا نے پاکستان کے خلاف ٹاس جیت کر پہلے بیٹنگ کا فیصلہ کیا تھا۔ ہاردک چھٹے نمبر پر بلے بازی کرنے میدان میں آئے۔ ہندوستان کی اننگز کے دوران پانڈیا کے جوتے کے فیتے ڈھیلے پڑ گئے۔ پاکستانی کرکٹر شاداب خان نے جیسے ہی یہ دیکھا وہ ہاردک کی مدد کے لیے پہنچ گئے۔ جذبہ کھیل کا مظاہرہ کرتے ہوئے شاداب نے ہاردک کو جوتے کے تسمے باندھ دئے۔ جس پر ان کی تعریف کی جارہی ہے۔ شاداب اور ہاردک کی تصویر سوشل میڈیا پر خوب شیئر کی جا رہی ہے۔
Published: undefined
ہاردک نے اس میچ میں ہندوستان کے لیے شاندار کارکردگی کا مظاہرہ کیا۔ انہوں نے 87 رنز کی اہم اننگز کھیلی۔ اس میچ میں ہاردک نے ایشان کشن کے ساتھ مل کر اپنی ٹیم کو مشکل سے نکالا۔ ہندوستانی ٹیم 66 رنز کے اسکور پر 4 وکٹیں گنوا چکی تھی۔ اس کے بعد ایشان اور ہاردک نے سنچری کی شراکت داری کی۔ پانڈیا نے 90 گیندوں میں 87 رنز بنائے۔ انہوں نے 7 چوکے اور ایک چھکا بھی لگایا۔ جبکہ ہی ایشان نے 81 گیندوں میں 82 رنز بنائے، انہوں نے 9 چوکے اور 2 چھکے بھی لگائے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined