صنعت و حرفت

آر بی آئی نے پھر دیا جھٹکا! ریپو ریٹ میں 0.25 فیصد کا اضافہ، مہنگی ہوگی لون کی ای ایم آئی

آر بی آئی کے گورنر شکتی کانت داس نے ایم پی سی میٹنگ کے نتائج کے بارے میں جانکاری دی ہے اور ریپو ریٹ میں اضافہ کا اعلان کر دیا

آر بی آئی، ریزرو بینک آف انڈیا / تصویر آئی اے این ایس
آر بی آئی، ریزرو بینک آف انڈیا / تصویر آئی اے این ایس 

نئی دہلی: مالی سال 2022-23 کے لیے ریزرو بینک آف انڈیا کی آخری کریڈٹ پالیسی کے فیصلوں کا آج اعلان کیا گیا ہے۔ آر بی آئی کے گورنر شکتی کانت داس نے صبح 10 بجے سے ایم پی سی میٹنگ کے نتائج کے بارے میں جانکاری دی ہے اور اس میں ریپو ریٹ کا اعلان کیا ہے۔

Published: undefined

آر بی آئی کے گورنر شکتی کانت داس نے کہا کہ عالمی معیشت میں اتار چڑھاؤ اور مہنگائی کے اعداد و شمار ہندوستانی معیشت پر بھی اثر انداز ہو رہے ہیں۔ ہندوستانی معیشت تیزی سے ترقی کر رہی ہے لیکن عالمی چیلنجز ہمارے سامنے ہیں اور اسی کے مطابق فیصلے کرنے ہوں گے۔ آر بی آئی کے گورنر نے کہا کہ مالی سال 2023 کے لیے ہندوستان کی جی ڈی پی کا تخمینہ 7 فیصد لگایا گیا ہے۔ مالی سال 2023-24 میں مہنگائی کی شرح 4 فیصد کی حد سے اوپر رہنے کا امکان ہے۔

Published: undefined

ریزرو بینک آف انڈیا کے گورنر شکتی کانت داس نے اعلان کیا ہے کہ ایم پی سی نے ریپو ریٹ میں 0.25 فیصد اضافہ کیا ہے۔ اس کے بعد ملک میں ریپو ریٹ بڑھ کر 6.50 فیصد ہو گیا جو پہلے 6.25 فیصد تھا۔ ایم پی سی کے 6 میں سے 4 ارکان نے اس کے حق میں ووٹ دیا۔

Published: undefined

ریزرو بینک کی مانیٹری پالیسی کمیٹی کی میٹنگ پیر 6 فروری کو ہوئی تھی اور آج 8 فروری کو اس کے فیصلوں کا اعلان کیا گیا ہے۔ یہ مالی سال 2022-23 کے لیے آخری کریڈٹ پالیسی ہے اور بجٹ کے فوراً بعد نافذ ہوئی ہے۔ آر بی آئی کے گورنر نے کہا کہ بینکنگ سسٹم میں کافی لیکویڈیٹی ہے اور آر بی آئی ملک میں اس پر گہری نظر رکھے ہوئے ہے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined