گورنر جس طرح کنگنا سے ملے، اسی طرح پیاز کاشتکاروں سے بھی ملیں: کسانوں کی تنظیم کا مطالبہ

ممبئی: : ریاستی گورنر بھگت سنگھ کوشیاری سے لوگ اپنے مختلف مطالبات اور شکایتوں کے سلسلے میں ملاقات کر رہے ہیں اسی تناظر میں اب ریاست میں پیاز کی کاشت کرنے والے کسانوں نے مطالبہ کیا ہے کہ جس طرح گورنر نے کنگنا رناوت سے ملاقات کی ہے اسی طرح اب ان سے بھی ملاقات کریں۔

کسانوں کے لیے جدوجہد کرنے والی ایک تنظیم نے کہا ہے کہ ، ریاستی گورنر بھگت سنگھ کوشیاری حساس ہیں اور وہ انصاف مانگنے والوں کو ضرور ملتے ہیں۔ انجمن کے بانی صدر ہنسراج وڈگولے نے ایک بیان اور ایک ویڈیو کے ذریعے سوشل میڈیا پر اس طرح کی اپیل کی ہے۔

14 ستمبر کو مرکز ی حکومت نے اچانک پیاز کی برآمد پر پابندی عائد کرنے کا اعلان کیا۔ انہوں نے یہ بھی کہا کہ اس سلسلے میں کاشتکاروں کو کوئی پیشگی اطلاع نہیں دی گئی ہے۔

وہ کچھ دن پہلے ایک بحریہ کے ایک سابق فوجی سے ملے ہیں ،صرف یہی نہیں ،بلکہ انھوں نے مشہور فلمی اداکارہ کنگنا رناوت سے بھی اس کی شکایت سننے کے لیے ملاقات کی تھی ۔ یہاں پیاز کی برآمد پر پابندی کے فیصلے نے ریاست کے لاکھوں کسانوں کے گھر تباہ کردیئے ہیں۔ان کسانوں کے مسائل کے حل کے لیے مرکز سے ثالثی کے لے گورنر جمعہ کے روز یقینی طور پر ہم سے ملیں گے، اس طرح کا اظہار تنظیم کی جانب سے کیا گیا ہے۔

حکومت کی جانب سے پیاز کی برآمد پر پابندی کے فیصلے کو کسانوں کے پیٹھ میں خنجر گھونپنے کے مترادف قرار دیتے ہوئے کہا کہ اس کی وجہ سے کسانوں میں کافی عدم اطمینان ہے۔

بے انصافی کے شکار بہت سے لوگ گورنر سے ملتے ہیں۔ اس لیے وہ ہم سے بھی ملیں گے، وڈگولے نے مزید کہا کہ انہوں نے مختلف شعبہ ہائے زندگی سے تعلق رکھنے والے لوگوں سے بھی ملاقات کر کے کسانوں پر ہو رہی زیادتی کی شکایات دور کرنے کی کوشش کی ہے۔