ویڈیو... کورونا وائرس کے ٹیکے کام کریں گے یا نہیں، کوئی گارنٹی نہیں: ڈبلیو ایچ او

کورونا کا قہر دنیا بھر میں جاری ہے۔ اس درمیان ڈبلیو ایچ او سربراہ ٹیڈروس نے حیرت انگیز بیان دیا ہے۔ انھوں نے کہا کہ وبا سے بچاؤ کے لیے تیار کیے جا رہے ٹیکے بن بھی جائیں تو بھی ان کی کوئی گارنٹی نہیں۔

کورونا ویکسین۔ تصویر یو این آئی
کورونا ویکسین۔ تصویر یو این آئی
user

قومی آوازبیورو

کورونا وائرس کا قہر پوری دنیا میں جاری ہے اور سبھی بے صبری سے انتظار کر رہے ہیں کہ کوئی کارآمد ٹیکہ سامنے آئے۔ اس درمیان عالمی صحت ادارہ (ڈبلیو ایچ او) کے سربراہ ٹیڈروس ادہانوم نے حیران کرنے والا بیان دیا ہے۔ انھوں نے کہا کہ وبا سے بچاؤ کے لیے تیار کیے جا رہے ٹیکے بن بھی جائیں تو ان کی کوئی گارنٹی نہیں ہے۔ گویا کہ یہ ٹیکے کام کریں گے یا نہیں، اس سلسلے میں ابھی کچھ نہیں کہا جا سکتا۔

ڈبلیو ایچ او سربراہ نے کہا کہ عالمی صحت ادارہ کے پاس اس بات کی کوئی گارنٹی نہیں ہے کہ کورونا وائرس وبا کے لیے تیار کیے جا رہے ٹیکوں میں سے کوئی کام کرے گا یا نہیں۔ غور طلب ہے کہ ہندوستان میں بھی کورونا وائرس کا قہر جاری ہے اور سبھی ٹیکہ بازار میں آنے کا انتظار کر رہے ہیں۔ اس درمیان مرکزی وزارت صحت کے ذریعہ جاری تازہ اعداد و شمار کے مطابق ہندوستان میں گزشتہ 24 گھنٹے میں 83 ہزار 347 نئے معاملے سامنے آئے ہیں اور 1085 لوگوں کی موت ہو گئی ہے۔

next