ویڈیو: مہاگٹھ بندھن کے لیے ’بہار ادھیکار یاترا‘ کی اہمیت اور اس کے اثرات پر سیاسی ماہرین کا مباحثہ

بہار میں آر جے ڈی لیڈر تیجسوی یادو کی ’بہار ادھیکار یاترا‘ نے نئی ہلچل پیدا کر دی ہے۔ لوک سبھا میں حزب اختلاف کے قائد راہل گاندھی کے ساتھ ’ووٹر ادھیکار یاترا‘ کے بعد آر جے ڈی لیڈر نے اہم ایشوز پر عوام کو بیدار کرنے اور انھیں مہاگٹھ بندھن سے جوڑنے کی ذمہ داری اٹھائی ہے۔ 5 دن چلنے والی یہ یاترا بہار کے ان علاقوں سے گزر رہی ہے، جو مہاگٹھ بندھن کی انتخابی سیاست کے لیے بہت اہم ہیں۔ ’بہار ادھیکار یاترا‘ میں تیجسوی یادو کو زبردست حمایت مل رہی ہے۔ آر جے ڈی لیڈر 2020 اسمبلی انتخاب کے وقت اٹھائے گئے ایشوز کو بھی از سر نو زندہ کرتے ہوئے دیکھے جا رہے ہیں۔ بے روزگاری، ہجرت، ملازمت اور بدعنوانی کے ساتھ نوجوانوں اور خواتین کے لیے انصاف اور حقوق کی بات ’بہار ادھیکار یاترا‘ کی بنیاد ہے۔ تیجسوی یادو کی اس یاترا کے اثرات پر ’قومی آواز‘، ’نیشنل ہیرالڈ‘ اور ’نوجیون‘ نے مشترکہ طور پر سیاسی ماہرین کے ساتھ ایک خصوصی مباحثہ منعقد کیا۔ گزارش ہے کہ اس ویڈیو کو دیکھیں، دوستوں کے ساتھ شیئر کریں اور اپنے تاثرات سے ہمیں نوازیں۔