ویڈیو: جامعہ میں پولس کے خلاف زبردست غصے کا ماحول

شہریت قانون کو لے کر کل جامعہ میں جو ہنگامہ ہوا، اس میں جہاں کئی بسیں نذر آتش کر دی گئی تھیں وہیں کئی طلباء بھی زخمی ہو گئے تھے۔ اس کے خلاف کل رات دہلی کی تین یونیورسٹیوں کے طلباء اور ٹیچرس نے پولس ہیڈکواٹر کے باہر مظاہرہ کیا ۔ پولس نے دیر رات حراست میں لئے گئے طلباء کو رہا کر دیا تھا ، لیکن جامعہ کے طلباء میں آج بھی بہت غصہ تھا اس لئے انہوں نے یونیورسٹی کے باہر اپنا مظاہرہ جاری رکھا۔ اس مظاہرہ میں ان طلباء نے بھی شرکت کی جو کل تشدد میں زخمی ہوئے تھے۔ جامعہ میں چاروں طرف لوگ پولس کے خلاف نعرے لگاتے نظر آئے جس سے صاف ظاہر ہو رہا تھا کہ پورے علاقہ میں پولس کے خلاف زبردست غصے کا ماحول ہے۔ اس موقع پر قومی آواز نے موقع پر جاکر وہاں کے ماحول کو کیمرے میں قید کر نے کی کوشش کی ۔ پیش ہے جامعہ کا ویڈیو۔