کورونا بحران: ماہرین صحت پروفیسر آشیش جھا اور پروفیسر جوہان کے ساتھ راہل گاندھی کی انتہائی اہم گفتگو، دیکھیں ویڈیو

کورونا بحران کے دوران لوگوں کے سامنے پیدا صحت کے مسائل پر کانگریس لیڈر راہل گاندھی نے دو عالمی صحت ماہرین ہارورڈ سے پروفیسر آشیش جھا اور سویڈن سے پروفیسر جوہان کے ساتھ خصوصی گفتگو کی۔ کورونا بحران میں لاک ڈاؤن کی اہمیت کے تعلق سے راہل گاندھی کے ذریعہ پوچھے گئے سوال کے ایک جواب میں پروفیسر جھا نے کہا کہ یہ وائرس لوگوں کے لیے بالکل نیا ہے۔ اس بحران میں خود کو آپ کو بچا کر رکھنا ہوگا۔ دوسرا راستہ لاک ڈاؤن ہے۔ لیکن اک ڈاؤن معیشت کے لیے بے حد مضر ہو سکتا ہے۔ ایسے میں آپ کو دھیرے دھیرے معیشت کو کھولنے کی ضرورت ہے اور لوگوں کے ذہن سے خوف کو ختم کرنے کی ضرورت ہے۔ لاک ڈاؤن کی وجہ سے آپ وائرس کو دھیما کر سکتے ہیں۔ اگر وائرس کو روکنا ہے تو صرف جو متاثر ہیں، ان کو سماج سے الگ کر سکتے ہیں۔ اس کے لیے ٹیسٹنگ ضروری ہے، لاک ڈاؤن آپ کو اپنی صلاحیت بڑھانے کا وقت دیتا ہے۔ اگر لاک ڈاؤن کا استعمال اپنی صلاحیت بڑھانے کے لیے نہیں کیا گیا تو کافی نقصان ہوگا۔

راہل گاندھی نے پروفیسر آشیش جھا سے کئی اہم سوال پوچھے جن کا انھوں نے وضاحت کے ساتھ جواب دیا اور اس سلسلے میں بھی اپنی آرا ظاہر کی کہ کورونا کی ویکسین کب تک ہندوستان میں آ سکتی ہے۔ راہل گاندھی نے پروفیسر جوہان سے بھی کئی اہم ایشوز پر گفتگو کی۔ دیکھیں ویڈیو...