ایک بار پھر برج بھوشن کے خلاف دنگل کے لئے اترے پہلوان

سابق عالمی چیمپئن ونیش پھوگاٹ نے کہا کہ ہم رپورٹ کا انتظار کرتے کرتے تھک گئے ہیں۔ ہم چاہتے ہیں کہ برج بھوشن سنگھ کے خلاف ایف آئی آر درج کی جائے۔

<div class="paragraphs"><p>تصویر آئی اے این ایس</p></div>

تصویر آئی اے این ایس

user

یو این آئی

ریسلنگ فیڈریشن آف انڈیا (ڈبلیو ایف آئی) کے صدر برج بھوشن شرن سنگھ  کے خلاف جنتر منتر پر مظاہرہ کرتے ہوئے پہلوانوں نے  مطالبہ کیا کہ جنسی ہراسانی کے الزامات کی تحقیقاتی رپورٹ کو عام کیا جائے۔

بجرنگ پونیا اور ونیش پھوگاٹ سمیت کئی پہلوان جنتر منتر پر جمع ہوئے۔ ان کا مطالبہ تھا کہ حکومت برج بھوشن شرن سنگھ کے خلاف جنسی ہراسانی کے الزامات کی تحقیقات کرنے والی مانیٹرنگ کمیٹی کی رپورٹ کو عام کرے۔


واضح رہے کہ اس سال کے شروع میں سینئر پہلوانوں نے مسٹر سنگھ پر جنسی ہراسانی کا الزام لگاتے ہوئے احتجاجی دھرنا دیا تھا، جس کے بعد حکومت نے ان الزامات کی جانچ کے لیے ایم ایس میری کوم کی سربراہی میں چھ رکنی مانیٹرنگ کمیٹی تشکیل دی تھی، جس کی رپورٹ ابھی تک نہیں آئی ہے۔

جنتر منتر پر احتجاج کرنے والے پہلوانوں نے کہا کہ تحقیقاتی رپورٹ پیش کرنے میں غیر ضروری تاخیر کی جا رہی ہے۔ سابق عالمی چیمپئن ونیش پھوگاٹ نے کہا کہ ہم رپورٹ کا انتظار کرتے کرتے تھک گئے ہیں۔ ہم چاہتے ہیں کہ برج بھوشن سنگھ کے خلاف ایف آئی آر درج کی جائے۔


انہوں نے کہا کہ اتنے سنگین الزام کے باوجود فیڈریشن کون چلا رہا ہے۔ کم از کم حکومت جنسی ہراسانی پر کارروائی کر سکتی ہے۔ ہم انصاف کا مطالبہ کر رہے ہیں۔ ہم احتجاج جاری رکھیں گے۔

ریو اولمپکس میں کانسے کا تمغہ جیتنے والی ساکشی ملک نے کہا کہ خواتین پہلوانوں نے انکوائری کمیٹی کے سامنے اپنا موقف پیش کیا ہے لیکن ابھی رپورٹ کا انتظار ہے۔ ایک نابالغ سمیت سات لڑکیوں نے دو دن قبل کناٹ پلیس پولیس اسٹیشن میں شکایت درج کرائی تھی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔