دو سال کی سمائرا نے شطرنج میں بنایا عالمی ریکارڈ

چیس ایسو سی ایشن کے عہدیداروں نے سمائرا کا نام عالمی ریکارڈ کے لیے بھیجا تھا، اس میں سمائرا کو دنیا کی سب سے چھوٹی شطرنج کھلاڑی کے خطاب سے نوازا گیا ہے۔

شطرنج، تصویر آئی اے این ایس
شطرنج، تصویر آئی اے این ایس
user

تنویر

فرید آباد کی دو سالہ بچی نے شطرنج کے کھیل میں عالمی ریکارڈ بنا کر ہندوستان کا نام روشن کیا ہے۔ جلد ہی وہ لندن میں ملک کی نمائندگی کرتی ہوئی نظر آنے والی ہے۔ اس خبر سے سمائرا کی فیملی کے ساتھ ساتھ پورے شہر اور ملک میں خوشی کی لہر دیکھنے کو مل رہی ہے۔

میڈیا رپورٹس کے مطابق سیکٹر-21 ڈی باشندہ سمائرا کے والد سمت شانڈیال نے بتایا کہ وہ شطرنج کے کھلاڑی ہیں۔ کئی قومی سطح کے مقابلے میں وہ حصہ لے چکے ہیں۔ شانڈیال بتاتے ہیں کہ وہ اکثر بیٹی سمائرا کو اپنے ساتھ لے کر جاتے رہے ہیں۔ اس سے وہ بھی شطرنج کی باریکیوں میں ماہر ہو گئی۔


انھوں نے بتایا کہ کچھ وقت پہلے ان کے ساتھیوں نے بیٹی کا نام قومی سطح کے چیس ایسو سی ایشن کو بھیجنے کی صلاح دی تھی۔ ایسو سی ایشن کے عہدیداروں نے بیٹی کا نام عالمی ریکارڈ کے لیے بھیجا تھا۔ اس میں سمائرا کو دنیا کی سب سے چھوٹی شطرنج کھلاڑی کے خطاب سے نوازا گیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔