ٹوکیو اولمپکس: سندھو نے آسان فتح کے ساتھ شروع کی اپنی مہم

پی وی سندھو کہا کہ ’’ہر ایک میچ اہم ہے اور ایک بار میں ایک ہی میچ کے بارے میں سوچنا ہے۔ میں اب اگلے حریف کے بارے میں سوچ سکتی ہوں‘‘۔

پی وی سندھ، تصویر یو این آئی
پی وی سندھ، تصویر یو این آئی
user

یو این آئی

ٹوکیو: اولمپکس میں چاندی کا تمغہ جیتنے والی ہندوستان کی پی وی سندھو نے ٹوکیو اولمپکس میں اپنی مہم کا فاتحانہ آغاز کرتے ہوئے بیڈ منٹن مقابلوں کے گروپ جے کے اپنے پہلے میچ میں اسرائیل کی کسنیا پولیکار پووا کو اتوار کے روز مسلسل گیموں میں شکست دے دی۔

سندھو نے پولیکار پووا کو محض 29 منٹ میں 21۔7، 21۔10 سے شکست دی۔ دنیا کی ساتویں نمبر کی کھلاڑی سندھو نے جیت کے بعد عالمی بیڈمنٹن فیڈریشن سے کہا کہ اگرچہ میرے حریف نچلی رینکنگ کے ہیں لیکن میں یہ اندازہ نہیں لگا سکتی کہ ان سے مقابلہ آسان ہوگا۔ توجہ مرکوز رکھنا بہت ضروری ہے۔


سندھو نے کہا کہ میں یہ یقینی بنانا چاہتی ہے کہ کچھ ریلیاں ہوں اور میں کورٹ کی عادی ہوجاؤں۔ یہ ضروری ہے کہ آپ اپنے سبھی اسٹروکس کھیلیں اور ان کا کورٹ پر استعمال کریں کیونکہ آپ ایک مضبوط حریف کے سامنے اچانک ایسے اسٹروک نہیں کھیل سکتے۔ آپ کو یہ پتہ ہونا چاہیے کہ آپ اپنے اسٹروکس اچھی طرح کھیل رہے ہیں۔

موجودہ عالمی چمپئن سندھو کا اگلا گروپ مقابلہ ہانگ کانگ کی چیونگ انگان یی سے ہوگا۔ ہندوستانی کھلاڑی نے کہا ’’ہر ایک میچ اہم ہے اور ایک بار میں ایک ہی میچ کے بارے میں سوچنا ہے۔ میں اب اگلے حریف کے بارے ممیں سوچ سکتی ہوں‘‘۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔