ملکھا سنگھ کے پوتے نے 11 سال کی عمر میں ہندوستان کا نام کیا روشن، امریکہ میں لہرایا ترنگا

11 سال کے ہرجئے ملکھا نے اپنا خطاب دادا ملکھا سنگھ اور دادی نرمل سنگھ کو وقف کیا ہے، اس درمیان ہرجئے کی کامیابی پر اس کی ماں قدرت نے کہا کہ بیٹے کی جیت سے وہ بے انتہا خوش ہیں۔

<div class="paragraphs"><p>ہرجئے ملکھا، تصویر بشکریہ ٹوئٹر@JeevMilkhaSingh</p></div>

ہرجئے ملکھا، تصویر بشکریہ ٹوئٹر@JeevMilkhaSingh

user

قومی آوازبیورو

عالمی شہرت یافتہ اتھلیٹ ملکھا سنگھ کے 11 سالہ پوتے ہرجئے سنگھ نے بھی بیرون ممالک میں ہندوستان کا نام روشن کرنا شروع کر دیا ہے۔ ہرجئے نے امریکہ میں کچھ ایسا کارنامہ انجام دیا ہے کہ ترنگے کا سر اونچا ہو گیا ہے۔ دراصل ہرجئے نے یو ایس انڈر 13 گولف چمپئن شپ کا خطاب جیت لیا ہے۔ وہ یو ایس کڈس یوروپین گولف چمپئن شپ اپنے نام کرنے میں کامیاب رہا۔ ملکھا سنگھ کے انتقال کے بعد ہرجئے کی یہ بہت بڑی جیت ہے۔

قابل ذکر ہے کہ جون 2021 میں ہندوستان کے عظیم اتھلیٹ ملکھا سنگھ نے دنیا کو الوداع کہہ دیا تھا۔ انھیں بھی گولف میں بہت دلچسپی تھی۔ ملکھا کے بیٹے جیو ملکھا ملک کے بڑے گولفر میں سے ایک ہیں۔ اب ان کے پوتے ہرجئے بھی اسی راہ پر چل پڑے ہیں۔ 11 سال کے ہرجئے نے اپنا یہ خطاب دادا ملکھا سنگھ اور دادی نرمل سنگھ کو وقف کیا ہے۔ اس درمیان ہرجئے کی کامیابی پر اس کی ماں قدرت نے کہا کہ بیٹے کی جیت سے وہ بے انتہا خوش ہیں۔


واضح رہے کہ یو ایس کڈس چمپئن شپ میں پوری دنیا کے ٹاپ انڈر 13 کھلاڑی حصہ لیتے ہیں۔ ہرجئے نے 5 انڈر 211 کا اسکور کرتے ہوئے خطاب اپنے نام کیا۔ انھیں دوسرے نمبر پر رہنے والے جنوبی افریقہ کے جارڈن بوتھا اور تیسرے نمبر پر رہے آئرلینڈ کے جیک سے سخت ٹکر ملی۔ قابل ذکر بات یہ ہے کہ 16 رکنی ہندوستانی ٹیم کے سب سے نوجوان گولفر نہال بوائز اس ٹورنامنٹ میں انڈر 7 میں دوسرے مقام پر رہے۔ بنگلورو میں ادِت بوائز انڈر 9 میں تیسرے مقام پر رہے، جبکہ وِہار جین بوائز انڈر 13 میں مشترکہ طور سے پانچویں مقام پر رہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔