ریسلر پوجا سہاگ کے شوہر کی مشتبہ حالت میں موت، دوست پر منشیات دینے کا الزام
ڈی ایس پی مہیش کمار نے بتایا گیا کہ اجے نندل کی لاش کو پوسٹ مارٹم کے لیے بھیج دیا گیا ہےان کے مطابق واقعہ مہارانی کشوری جاٹ گرلز کالج کے قریب پیش آیا۔ پولیس معاملے کی گہرائی سے تفتیش کر رہی ہے۔
برمنگھم میں منعقد کامن ویلتھ گیمز 2022 کی کانسی کا تمغہ جیتنے والی ریسلر پوجا سہاگ کے شوہر اجے نندل ہفتہ کی رات ہریانہ کے روہتک ضلع میں مشتبہ حالات میں مردہ پائے گئے۔ خبر کے مطابق متوفی اجے نندل کے والد نے اجے کے دوست روی پر منشیات دینے کا الزام لگایا ہے۔
اس حوالے سے ڈیلی ہنٹ پر شائع رپورٹ میں روہتک کے ڈپٹی سپرنٹنڈنٹ آف پولیس مہیش کمار کے حوالے سے کہا گیا ہے کہ اجے نندل کی لاش کو پوسٹ مارٹم کے لیے بھیج دیا گیا ہے۔ ڈی ایس پی مہیش کمار کے مطابق واقعہ مہارانی کشوری جاٹ گرلز کالج کے قریب پیش آیا۔ پولیس معاملے کی گہرائی سے تفتیش کر رہی ہے۔
حال ہی میں ریسلر پوجا سہاگ نے برمنگھم میں منعقد ہونے والے کامن ویلتھ گیمز میں 76 کلوگرام فری اسٹائل کیٹیگری میں کانسی کا تمغہ جیتا تھا، جہاں اس نے آسٹریلیا کی نومی ڈی بروئن کو 11-0 سے شکست دے کر تیسرا مقام حاصل کیا۔ 25 سالہ پوجا سہاگ 2021 کے ایشین چیمپئن شپ میں کانسی کا تمغہ جیتا تھا وہیں 2019 کے انڈر 23 ایشین چیمپئن شپ میں چاندی کا تمغہ جیتا تھا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔