امریکی لیجنڈ مکے باز جارج فورمین کا انتقال، 'رمبل اِن دی جنگل' میں محمد علی سے لڑے تھے تاریخی مقابلہ

امریکہ کے قد آور مکے باز جارج فورمین کا جمعہ کو 76 سال کی عمر میں انتقال ہو گیا۔ ان کے انتقال سے مکے بازی کی دنیا میں غم کی لہر دوڑ گئی۔ فورمین نے 19 سال کی عمر میں ہیوی ویٹ گولڈ میڈل جیتا تھا۔ وہ 1968 کے اولمپک میں طلائی تمغہ کے فاتح تھے۔ انہوں نے 'رمبل اِن دی جنگل' میں محمد علی سے بھی مقابلہ کیا تھا۔

جارج فورمین کے کنبہ نے ان کے سوشل میڈیا اکاؤنٹ کے توسط سے ان کی موت کی تصدیق کی۔ پروفیشنل باکسر بننے کے بعد فورمین نے کنگسٹن، جمائیکا میں موجودہ چمپئن جو۔ فریجئر کا سامنا کرنے سے پہلے مسلسل 37 میچ جیتے۔

فورمین نے دو راؤنڈ کے بعد تکنیکی ناک آؤٹ سے فریجیئر کو شکست دی تھی۔ فورمین کو 1974 میں مشہور مشہور 'رمبل اِن دی جنگل' کے لیے جانا جاتا ہے۔ یہاں انہوں نے اپنا پہلا خطاب معروف باکسر محمد علی سے مقابلے کے دوران گنوا دیا تھا۔

فورمین نے کنشاسا، جیرے (اب کانگو ڈیموکریٹک ریپبلک) میں محمد علی کا سامنا کرنے سے پہلے دو بار کامیابی کے ساتھ اپنے خطاب کا دفاع کیا جو مکے بازی کی تاریخ میں سب سے مشہور میچوں میں سے ایک بن گیا۔

فورمین کے انتقال کے کے بعد ان کے کنبہ نے انسٹاگرام پر انہیں خراج عقیدت پیش کیا اور کنبہ کے تئیں ان کی وقفیت اور مکہ بازی میں ان کے مظاہرہ کی تعریف کی۔ فورمین کے کنبہ نے انسٹاگرام پر لکھا، "ہمارا دل ٹوٹ گیا ہے، گہرے دکھ کے ساتھ، ہم اپنے عزیز جارج ایڈورڈ فورمین سینئر کے انتقال کا اعلان کرتے ہیں، جو 21 مارچ 2025 کو عزیزوں کے درمیان امن کے ساتھ دنیا چھوڑ کر چلے گئے۔ ایک مبلغ، شوہر اور ایک پیارے والد اور ایک قابل فخر دادا اور پردادا۔۔۔ انہوں نے اٹوٹ اعتماد، نرم مزاجی اور بامقصد زندگی گزاری۔"

1990 کی دہائی میں ریٹائر ہونے کے بعد فورمین مختلف طرح کے پروڈکٹ کے ایک جذباتی ترجمان بن گئے۔ ان میں ان کا سب سے شاندار اشتہار گھریلو آلات برانڈ سالٹن اِنک کا الیکٹرک گرِل تھا۔ فورمین نے اپنا پروفیشنل کیریئر 76 جیت اور 5 شکست کے ریکارڈ کے ساتھ ختم کیا۔ انہوں نے اپنا آخری میچ 1997 میں کھیلا تھا۔