دولت مشترکہ: محمد انس تمغہ حاصل نہ کر پانے کے باوجود ملک کے ہیرو

ہندستان کے محمد انس یحیی نے 400 میٹر دوڑ میں 45.31 سیکنڈ کا نیا قومی ریکارڈ قائم کیا لیکن وہ 21 ویں دولت مشترکہ کھیلوں میں چوتھے نمبر پر رہ گئے جبکہ ہِما داس نے قابل ستائش کارکردگی کا مظاہرہ کرتے ہوئے خواتین کی 400 میٹر کی دوڑ کے فائنل میں جگہ بنا لی ہے۔
محمد انس فلائنگ سکھ ملکھا سنگھ کے بعد دولت مشترکہ کھیلوں میں 400 میٹر کے فائنل میں پہنچنے والے پہلے ہندوستانی بن گئے ہیں۔قومی ریكارڈ حامل انس نے 45.44 سیکنڈ کا وقت لے کر سیمی فائنل ہیٹ جیتی تھی۔ان کے نام 45.32 سیکنڈ کا قومی ریکارڈ ہے جو انہوں نے 2017 میں دہلی میں قائم کیا تھا۔انس نے 45.31 سیکنڈ کا وقت لے کر اپنا ہی قومی ریکارڈ توڑا تھا۔

انس اگر آخری 25 میٹر میں تھوڑی تیزی دکھاتے تو وہ کانسہ تک پہنچ سکتے تھے۔کانسہ کا تمغہ جیتنے والے جمیکا کے جیوون فرانسس نے 45.11 سیکنڈ کا وقت لگایا ۔ اس مقابلے کا طلائی اور چاندی کا تمغہ بوٹسوانا کے حصے میں گئے۔اساک مكوالا نے 44.35 سیکنڈ میں گولڈ اور بابولوكی تھبے نے 45.09 سیکنڈ میں سلور جیتا۔

کون ہیں محمد انس یحیی؟

انس نے کہا ’’بارش کی وجہ سے میری کارکردگی متاثر ہوئی کیونکہ ٹریک پر پانی کی وجہ سے زیادہ کوشش کرنی پڑ رہی تھی۔ ٹریک زیادہ سخت نہیں تھا۔ ٹانگوں کے پٹھوں پر زیادہ دباؤ پڑ رہا تھا۔ اس کے علاوہ سردی کے سبب بدن جکڑا ہوا لگ رہا تھا۔ ‘‘

انہوں نے کہا’’ لیکن مجھے یقین تھا کہ اس سطح پر میں زیادہ بہتر کارکردگی کا مظاہرہ کر سکتا ہوں۔ میں تیسرے مقام پر آنے کی پوری امید تھی ۔ ویسے میں نے جو حاصل کیا اس سے میں خوش ہوں۔ اب میں ایشیائی کھیلوں کے لئے تیاری کروں گا۔ میں اب جا کر نیند لوں گا کیونکہ میں نے پچھلے سیمی فائنل میں اپنا سب کچھ جھونک دیا تھا۔