فیفا ورلڈ کپ 2026 نے سوشل میڈیا پر 5 نوجوان فٹبالرز کو بخشی بے پناہ شہرت، ایک کھلاڑی کی فالوئنگ دوگنی ہوئی

فیفا ورلڈ کپ 2026 میں 5 نوجوان فٹبال کھلاڑی خاص طور سے سوشل میڈیا کے اسٹار بتائے جا رہے۔ یہ 5 کھلاڑی ایسے ہیں جنہوں نے ورلڈ کپ کے دوران اپنی میدان میں کی گئی کارکردگی اور دلکش انداز کی بدولت سوشل میڈیا پر اپنے فالوورز کی تعداد کو آسمان پر پہنچا دیا۔ کچھ پرانے ستارے پہلے ہی کافی مشہور تھے، لیکن اس بار کچھ نئے چہرے بھی وائرل ہو گئے۔ آئیے جانتے ہیں یہ 5 نوجوان کھلاڑی کون کون کون ہیں...

1. ایرلنک ہالند (ناروے)

25 سالہ 6 فٹ 5 انچ کے وکنگ سب سے پیارے اور لوگوں سے وابستہ کھلاڑی ثابت ہوئے۔ میچ جیتنے کے فوراً بعد انسٹاگرام پوسٹس، اسنیپ چیٹ اسٹوریز، حتیٰ کہ ٹیکسی ڈرمی ریکون کو پلین میں ساتھ لے جانا بھی ان کی پہچان بن گیا۔ ان کے انسٹاگرام فالوورز گزشتہ چند دنوں میں تقریباً دوگنے ہو گئے ہیں۔ اب ان کے 70 ملین سے زیادہ فالوورز ہو چکے ہیں۔ گزشتہ 30 دنوں میں ان کے 29.3 ملین سے زیادہ فالوورز ہو گئے ہیں۔

2. ووزنہا (کیپ وردے)

دوسرے شہرت حاصل کرنے والے کھلاڑی ووزنہا ہیں۔ اس 40 سالہ گول کیپر نے اپنی صلاحیتوں کی بدولت کیپ وردے اور اسپین کا میچ 0-0 سے ڈرا کرایا۔ میچ کے چند گھنٹوں کے بعد ان کے فالوورز کی تعداد 5 لاکھ سے بڑھ کر 29.3 ملین ہو گئی۔

3. جوڈ بیلنگھم (انگلینڈ)

جوڈ اچھی شکل وصورت، پیاری شخصیت اور گولڈن بوٹ کے دعویدار ہیں۔ شائقین ’ہے جوڈ‘ گاتے ہیں اور ان کی حوصلہ افزائی کرتے ہیں۔ انھوں نے گزشتہ 30 دنوں میں 9 ملین سے زیادہ فالوورز حاصل کیے۔ ان کے اس وقت مجموعی طور پر 50 ملین انسٹاگرام فالوورز ہو چکے ہیں۔ ’مینٹل ہیلتھ‘ کے حوالے سے کھل کر گفتگو کرنے کے سبب بھی ان کی مقبولیت میں اضافہ ہوا۔

4. لامینے یمال (اسپین)

19 سال کے اس نوجوان کھلاڑی کے تئیں نوجوانوں کی دیوانگی دیکھنے لائق ہے۔ یمال انسٹاگرام پر میچ کی تصاویر، فیملی مومنٹس اور برانڈ پارٹنرشپ سے جڑی پوسٹس شیئر کرتے رہتے ہیں۔ وہ 3 سالہ چھوٹے بھائی کے ساتھ اسٹیڈیم میں چہل قدمی کرتے ہوئے دیکھے گئے تھے، جس نے انھیں سوشل میڈیا پر خوب شہرت عطا کی۔ اس وقت ان کے فالوورز کی تعداد 49.6 ملین ہے اور فائنل مقابلہ میں یہ تعداد مزید بڑھنے کی امید ہے۔

5. ٹم (نیوزی لینڈ)

ارجنٹائنا کے ایک انفلوئنسر نے ٹم کا تعارف نامعلوم کھلاڑی کے طور پر کرایا اور ایک ویڈیو بنائی۔ اس ویڈیو میں انھیں فالو کرنے کی گزارش بھی کی گئی۔ یہ ویڈیو وائرل ہوئی اور ان کے فالوورز کی تعداد 5000 سے بڑھ کر 5.8 ملین ہو گئی ہے۔ اس کے بعد ٹم نے خود ایک ویڈیو بنائی اور ان کا شکریہ ادا کیا۔ ساتھ ہی ٹم نے انفلوئنسر سے ملاقات بھی کی۔