راکٹ سائنسداں ڈاکٹر سومناتھ نے ’اسرو‘ کے نئے سربراہ کا عہدہ سنبھالا
ڈاکٹر سومناتھ کو ایسٹروناٹیکل سوسائٹی آف انڈیا نے ’اسپیس گولڈ میڈل‘ سے نوازا ہے، علاوہ ازیں جی ایس ایل وی ایم کے-III کو فروغ دینے کے لیے 'ٹیم ایکسی لینس ایوارڈ' بھی ملا ہے۔
چنئی: سینئر راکٹ سائنسداں اور وکرم سارا بھائی خلائی مرکز (وی ایس ایس سی) کے ڈائریکٹر ڈاکٹر ایس سومناتھ نے انڈین اسپیس ریسرچ آرگنائزیشن (اسرو) اور خلائی محکمہ کے سکریٹری کے نئے چیف کے طور پر چارج سنبھال لیا ہے۔ ڈاکٹر سیون کی ریٹائرمنٹ کے بعد ڈاکٹر سومناتھ نے اسرو کے سربراہ کا عہدہ سنبھالا ہے۔ ڈاکٹر سیون کی توسیع شدہ مدت جمعہ 14 جنوری کو ختم ہو گئی۔
اسرو کی جانب سے نئے سربراہ کے بارے میں جانکاری دیتے ہوئے بتایا گیا کہ ڈاکٹر سومناتھ چار سال سے وی ایس ایس سی کے ڈائرکٹر رہے ہیں اور انہوں نے ڈھائی سال تک والیامالا میں لیکوڈ پروپلشن سسٹم سینٹر (ایل پی ایس سی) کے ڈائریکٹر کے طور پر بھی خدمات انجام دی ہیں۔ ڈاکٹر سومناتھ نے کولم میں واقع ٹی کے ایم انجینئرنگ کالج سے مکینیکل انجینئرنگ میں بی ٹیک کی ڈگری حاصل کی ہے۔
انہیں ایسٹروناٹیکل سوسائٹی آف انڈیا نے 'اسپیس گولڈ میڈل' سے نوازا ہے۔ اس کے علاوہ، انہیں اسرو سے 'میرٹ ایوارڈ' اور 'پرفارمنس ایکسی لینس ایوارڈ' اور جی ایس ایل وی ایم کے-III کو فروغ دینے کے لیے 'ٹیم ایکسی لینس ایوارڈ' بھی ملا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔