اسرو آئندہ ماہ ایک اور سٹلائیٹ چھوڑے گا

حیدرآباد: ہندوستان خلائی میدان میں ایک اور اہم پیشرفت کرنے جارہا ہے ۔اس کے کارٹوسیٹ ٹو سلسلہ کی جدید ریمورٹ سنسنگ سٹلائٹ کو 28 بیرونی ممالک کے سٹلائٹس کے ساتھ آئندہ ماہ چھوڑے جانے کی توقع ہے۔ ہندوستانی خلائی تنظیم (اسرو) کے تجارتی ادارہ اینٹرکس کارپوریشن لمیٹیڈ کے صدرنشین و منیجنگ ڈائرکٹر ایس راکیش نے یہ بات بتائی۔

انہوں نے کہا کہ امریکہ کے 25 نانو سیٹلائٹس‘ 3 مائیکرو سٹلائٹس اور دیگر ممالک کے معاون مسافر سٹلائٹس کے علاوہ خلائی فرم کے خود کے سٹلائٹ‘ کارٹوسیٹ ٹو کو پی ایس ایل وی کے ذریعہ مدار میں چھوڑا جائے گا۔

انہوں نے کہا کہ اس سٹلائٹ کو چھوڑنے پر گہری نظر رکھی جائے گی کیونکہ اسرو کا پی ایس ایل وی راکٹ 31 اگست کو ناکام ہوگیا تھا۔ کارٹوسیٹ ٹو زمین کے مشاہدہ والا سیٹلائٹ ہے۔ یہ عصری معیار کی تصاویر کی فراہمی کی بھی صلاحیت رکھتی ہے۔ اس کے ذریعہ کارٹوگرافک‘ اربن اور رورل اپیلیکیشنس‘ ساحلی اراضی کے استعمال‘ روڈ نیٹ ورک پر نگرانی‘ کی تقسیم‘ اراضی کے نقشوں کی تیاری‘ جغرافیائی و انسان کے بنائی ہوئی خصوصیات کے سمت کی تبدیلی‘ ایل آئی ایس اور جی آئی ایس اپیلیکیشنس کی معلومات حاصل ہوں گی۔