جمعیۃ علماء ہند کے رواں ٹرم کے لیے مولانا محمد حکیم الدین قاسمی ناظم عمومی نامزد
ورکنگ گروپ کے فیصلہ کے مطابق مولانا محمد عمر کو جنوبی ہند کے لیے ناظم تنظیم نامزد کیا گیا۔ ساتھ ہی بہ مشورہ ناظم عمومی جمعیۃ علماء ہند، مولانا محمد عظیم اللہ صدیقی کو جمعیۃ کا سکریٹری نامزد کیا گیا۔
نئی دہلی: جمعیۃ علماء ہند کی مجلس عاملہ کا اجلاس 31 دسمبر 2025 بروز بدھ، شب 8 بجے آن لائن منعقد ہوا، جس کی صدارت صدر جمعیۃ علماء ہند مولانا محمود اسعد مدنی نے فرمائی۔ اجلاس میں جمعیۃ علماء ہند کے رواں ٹرم کے لیے ناظمِ عمومی کے انتخاب پر غور و خوض کیا گیا۔
تمام ارکان گرامی نے متفقہ طور پر مولانا محمد حکیم الدین قاسمی کے نام کا مشورہ دیا، جس کے بعد صدر جمعیۃ علماء ہند نے دستور اساسی کی دفعہ 52 کے بموجب مولانا محمد حکیم الدین قاسمی کو رواں ٹرم کے لیے ناظم عمومی نامزد کرنے کا اعلان فرمایا۔
دوسری طرف ورکنگ گروپ کے فیصلے کے مطابق مولانا محمد عمر قاسمی (بنگلور) کو جنوبی ہند کے لیے ناظم تنظیم نامزد کیا گیا۔ علاوہ ازیں بہ مشورہ ناظم عمومی جمعیۃ علماء ہند، مولانا محمد عظیم اللہ صدیقی کو جمعیۃ علماء ہند کا سکریٹری نامزد کیا گیا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔