اٹل بہاری واجپئی کی کچھ یادگار تصویریں

25دسمبر 1924کو پیدا ہوئے اٹل بہاری واجپئی نے1942میں کوٹ انڈیا موومینٹ (ہندوستان چھوڑو تحریک) کے ذریعہ سیاست میں قدم رکھا ۔ سال1951 میں واجپئی نے آر ایس ایس کی مدد سے بھارتیہ جن سنگھ پارٹی بنائی جس میں شیاما پرساد جیسے رہنما شامل ہوئے۔

اٹل بہاری واجپئی 9 مرتبہ لوک سبھا کے لئے منتخب کئے گئے ۔سال1962 سے1967 اور 1986 میں راجیہ سبھا کے رکن بھی رہے ۔ 16 مئی 1996 کو اٹل بہاری واجپئی پہلی بار وزیر اعظم بنے لیکن لوک سبھا میں اکثریت ثابت نہ کرپانے کی وجہ سے 31 مئی1996 کو انہیں استعفی دینا پڑا۔

واجپئی سب سے پہلے1996 میں13 دن کے لئے وزیر اعظم بنے۔ اکثریت ثابت نہیں کرنے کی وجہ سے انہیں استعفی دینا پڑا۔ دوسری مرتبہ 1998 میں وزیر اعظم بنے ، اتحادی جماعتوں کی طرف سےحمایت واپس لینے کی وجہ سے13 ماہ تک وہ اس عہدے پر رہے۔

1999 میں واجپئی تیسری مرتبہ وزیر اعظم بنے اور5 سال کی اپنی مدت پوری کی اور وہ پانچ سال کی مدت پوری کرنے والے پہلے غیر کانگریسی وزیر اعظم بنے۔

سال 2004 میں لوک سبھا انتخابات میں بی جے پی کی کراری شکست ہوئی اس کے کچھ ماہ بعد سے ہی اٹل بہاری واجپئی سیاست سے لگ بھگ غائب ہو گئے ۔ بیماری اور ضعیفی کی وجہ سے وہ ڈاکٹروں کی نگرانی میں گھر پر ہی رہنے پر مجبور ہو گئے۔

سال 2015 میں سابق وزیر اعظم اٹل بہاری واجپئی کو ان کی رہائش گاہ پر ہی بھارت رتن کے اعزاز سے نوازا گیا۔