پاکستان: وزیر مذہبی امور مفتی عبدالشکور کار حادثے میں جاں بحق، 5 کے خلاف مقدمہ درج
یہ حادثہ اس وقت پیش آیا جب عبدالشکور کی گاڑی ایک مسافر گاڑی سے ٹکرا گئی۔ حادثے کے فوری بعد وزیر کو ایک پرائیویٹ اسپتال لے جایا گیا، جہاں انہیں مردہ قرار دے دیا گیا۔
مفتی عبدالشکور، فائل تصویر آئی اے این ایس
پاکستان کے وزیر مذہبی امور مفتی عبدالشکور اسلام آباد کے ریڈ زون میں سڑک حادثے میں جاں بحق ہوگئے۔ اس سلسلے میں پانچ لوگوں کے خلاف مقدمہ درج کیا گیا ہے۔ شکور جمعیت علمائے اسلام فضل (جے یو آئی-ایف) کے ایک سرکردہ رہنما تھے اور موجودی حکومت میں کافی دخل رکھتے تھے۔
ڈان اخبار نے پولیس کے حوالے سے بتایا کہ یہ حادثہ ہفتے کے روز اس وقت پیش آیا جب عبدالشکور کانسٹی ٹیوشن ایونیو پر سچیوالیے چوک کی طرف جا رہے تھے اور ان کی کار ایک مسافر گاڑی سے ٹکرا گئی۔ حادثے کے فوری بعد موصوف وزیر کو ایک پرائیویٹ اسپتال لے جایا گیا، جہاں انہیں مردہ قرار دے دیا گیا۔
حادثے کے سلسلے میں ایف آئی آر درج کر لی گئی ہے، جس میں شکایت کنندہ حاجی قدرت اللہ نے بتایا کہ حادثہ دوسرے ڈرائیور کی لاپرواہی کے باعث پیش آیا۔ قدرت اللہ کا کہنا تھا کہ جمعیت علمائے اسلام فضل کے رہنما کا افطار کے لیے ان کے گھر آنا تھا۔ حالانکہ اس دوران ان کے باورچی کو وزیر کی موت کے بارے میں فون آیا۔
یہ بھی پڑھیں : مولانا آزاد کو بھی آؤٹ کر دیا گیا... سہیل انجم
ملزمان کے خلاف تعزیرات پاکستان کی مختلف دفعات کے تحت مقدمہ درج کر کے تفتیش شروع کر دی گئی ہے۔ پاکستان کے صدر عارف علوی اور وزیر اعظم شہباز شریف نے وزیر مذہبی امور مفتی عبدالشکور کی بے وقت موت پر تعزیت کا اظہار کیا ہے اور مرحوم کی روح کو خراج عقیدت پیش کیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔