عمران خان غدار ہیں: نواز شریف
نواز شریف نے اپنے آفیشل ٹوئٹر اکاؤنٹ سے ٹوئٹ کیا کہ ’آج اقتدار کے جنون میں مبتلا شخص نے آئین کو روند ڈالا ہے‘۔
اسلام آباد: پاکستان کے سابق وزیر اعظم نواز شریف نے اتوار کے روز کہا کہ وزیر اعظم عمران خان اور ملک کے خلاف ’سازش‘ میں ملوث تمام کردار ملک دشمن ہیں اور ان کے خلاف آئین کے آرٹیکل 6 کے تحت مقدمہ چلایا جانا چاہیے۔ یہ اطلاع ایکسپریس ٹریبیون کی رپورٹ میں دی گئی۔
یہ بھی پڑھیں : لندن میں نواز شریف کے دفتر پر ایک بار پھر حملہ
نواز شریف کا یہ بیان صدر عارف علوی کی جانب سے وزیراعظم عمران خان کے مشورے پر قومی اسمبلی تحلیل کرنے کے بعد سامنے آیا ہے۔ نواز شریف نے اپنے آفیشل ٹوئٹر اکاؤنٹ سے ٹوئٹ کیا کہ ’آج اقتدار کے جنون میں مبتلا شخص نے آئین کو روند ڈالا ہے‘۔
یہ بھی پڑھیں : عمران خان اب پاکستان کے وزیراعظم نہیں رہے، حکومت پاکستان
پاکستان مسلم لیگ نواز (پی ایم ایل این) کے سینئر رہنما نواز شریف نے خبردار کیا ہے کہ جو بھی ملک کے ساتھ غلط کام کرے گا اور آئین کی خلاف ورزی کرے گا اس کے خلاف کارروائی کی جائے گی۔ انہوں نے کہا کہ امید ہے کہ ملک کی سپریم کورٹ آئین کی سربلندی کے لیے اپنا کردار ادا کرے گی۔ شریف نے کہا کہ آئین کی کھلم کھلا خلاف ورزی کرنے والوں کو نتائج بھگتنے ہوں گے۔ امید ہے کہ سپریم کورٹ اسے برقرار رکھنے میں اپنا کردار ادا کرے گی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔