ظہران ممدانی کے بارے میں بولتے بولتے ٹرمپ اسٹیج پر کیوں ناچنے لگے؟

34 سالہ ڈیموکریٹک سوشلسٹ ظہران ممدانی نے تاریخی فتح حاصل کر کے شہر کے پہلے مسلمان اور جنوبی ایشیائی میئر بن گئے۔ انہوں نے اینڈریو کوومو اور کرٹس سلیوا کو تقریباً 9 پوائنٹس کے فرق سے شکست دی۔ نوجوان ووٹرز، خاص طور پر 45 سال سے کم عمر کے ووٹروں نے ان کی بھرپور حمایت کی۔ ان کی مہم سوشل میڈیا پر بہت مقبول تھی، اور انہوں نے اپنی جیت  کے لئے رضاکاروں کی ایک بڑی ٹیم تیار کی۔

امریکی صدر ڈونالڈ ٹرمپ نےاپنی تقریر کے دوران ایک مزاحیہ لمحہ بھی پیش کیا۔ میامی کے کیسیا سینٹر میں جہاں کاروباری رہنما، کھلاڑی اور سیاست دان موجود تھے، ٹرمپ ظہران ممدانی کے بارے میں بات کرتے ہوئے اچانک رقص کرنے لگے ۔ دراصل انتخابی کامیابی کی پہلی سالگرہ میں ٹرمپ شریک ہوئے تھے اور رقص جیت کے سگنیچر گانے پر انہوں نے کیا۔ ان کے سگنیچر رقص کے دوران سامعین بھی اس میں شامل ہو گئے ۔ ویڈیو سوشل میڈیا پر وائرل ہو رہا ہے۔ یہ تقریب ٹرمپ کی انتخابی کامیابی کی پہلی سالگرہ کے موقع پر منعقد کی گئی تھی۔ اس تقریب کے دوران، انہوں نےاس موقع پر  ریپبلکن پارٹی کی شکست کو بھی مخاطب کرتے ہوئے کہا کہ "مواصلات کی کمی حمایت میں کمی کا باعث بنی۔"

ٹرمپ نے کہا کہ جب تک وہ وائٹ ہاؤس میں ہیں امریکہ کبھی کمیونسٹ ملک نہیں بنے گا۔ ظہران ممدانی کی جیت کے بعد انہوں نے کہا کہ نیویارک اب آزاد نہیں ہے کیونکہ اس شہر نےمیئر کے طور پر  ایک کمیونسٹ کو منتخب کیا ہے، نہ کہ سوشلسٹ ۔ ممدانی کا نام لیے بغیر ٹرمپ نے کہا کہ میامی اب نیویارک چھوڑ کر آزادی کے متلاشی افراد کے لیے نئی منزل بنے گا۔ ہجوم کی تالیوں کے درمیان، ٹرمپ نے یہ بھی کہا، "ہم اس کا خیال رکھیں گے،" لیکن انہوں نے یہ واضح نہیں کیا کہ وہ کیا اقدامات کریں گے۔