امریکی فیڈرل ریزرو کی شرح سود میں کمی، سونا اور اسٹاک مارکیٹوں میں اتار چڑھاؤ متوقع

 امریکہ کے مرکزی فیڈرل ریزرو بینک نے ایک بار پھر شرح سود میں کمی کر دی ہے۔ جیسا کہ توقع کی جا رہی تھی فیڈرل ریزرو نے شرح سود میں 0.25 فیصد کمی کی ہے۔ امریکہ میں روزگار میں کمی کے پیس نظر یہ خیال کیا جا رہا تھا کہ شرح سود میں کمی کی جا سکتی ہے۔ فیڈرل ریزرو بینک نے اس سے پہلے بھی شرح سود میں 0.25 فیصد کمی کی تھی حالانکہ فیڈرل ریزرو کے چیئرمین جیروم پاول کا کہنا ہے کہ شرح سود میں اب مزید کمی کا امکان نہیں ہے۔

امریکہ میں شرح سود میں کمی سونے کی قیمتوں میں مزید اتار چڑھاؤ کا باعث بن سکتی ہے جب کہ اسٹاک مارکیٹ میں تیزی دیکھی جا سکتی ہے۔ امریکی مرکزی بینک کی کمیٹی نے  10-2کے فیصلے سے شرح سود میں کمی کرنے کا فیصلہ کیا ہے اور قرض کی شرح کو3.75-4 فیصد کی حد تک کم کیا ہے۔ اس سے امریکی ملازمتوں کی کمی کے درمیان جاب مارکیٹ میں بہتری آسکتی ہے۔ وہیں آٹو لون، رہن سہن اور کریڈٹ کارڈ پر قرض سے لوگوں کو راحت ملے گی۔

شرح سود میں کمی کرنے کے اعلان کے بعد امریکی اسٹاک مارکیٹ میں تیزی دیکھی گئی لیکن جیروم پاول کے اب مزید کمی نہ ہونے کے اشاروں سے تھوڑی گراوٹ دیکھنے کو ملی۔ قابل ذکر ہے کہ امریکی صدر ڈونالڈ ٹرمپ مسلسل شرح سود میں کمی کی وکالت کر رہے ہیں۔ انہوں نے شرح سود پر امریکی فیڈرل ریزرو کے سخت موقف پر بھی تنقید کی ہے۔ شرح سود میں کمی کے ساتھ ساتھ یو ایس فیڈرل ریزرو کو افراط زر پر بھی نظر رکھنا ہے جو2 فیصد کے اس کے سالانہ اوسط سے زیادہ نہ ہو جائے۔