تھائی لینڈ نےآٹھ سرحدی اضلاع میں مارشل لاء لگا یا، چین کی ثالثی کی تجویز مسترد کی

تھائی لینڈ اور کمبوڈیا کی سرحد پر ان دنوں کشیدگی کی صورتحال ہے۔ دونوں ممالک نے سرحد کے آس پاس کے علاقوں میں اپنی فوجیں تعینات کر دی ہیں۔ دریں اثنا، جمعہ  یعنی 25 جولائی کو دونوں ممالک کے درمیان شدید گولہ باری ہوئی، جس کے پیش نظر تھائی لینڈ نے کمبوڈیا کی سرحد سے ملحقہ آٹھ  اضلاع میں مارشل لاء کا اعلان کر دیا ہے۔

کمانڈر اپیچارٹ سپراسرٹ، جو چنتابوری اور ترات صوبوں میں فوج کی کمان کر رہے ہیں، نے ایک بیان میں کہا، 'اب چنتابوری کے سات اضلاع اور ترات کے ایک ضلع میں مارشل لا نافذ ہے۔' فوجی سرحدی کمانڈر کا کہنا تھا کہ یہ فیصلہ اس لیے کیا گیا ہے کہ اب کمبوڈیا کی جانب سے ہتھیار اور طاقت کا استعمال کیا جا رہا ہے۔

تھائی لینڈ کی وزارت خارجہ نے کہا ہے کہ وہ کمبوڈیا کے ساتھ سرحدی تنازع کے حل کے لیے کسی تیسرے فریق کی ثالثی کے بجائے دو طرفہ مذاکرات کے حق میں ہے۔ غور طلب ہے کہ چین نے دونوں ممالک کے درمیان ثالثی کا بیان دیا تھا۔

خبر رساں ادارے اے ایف پی کے مطابق اقوام متحدہ کی کونسل جمعے کو ایک ہنگامی اجلاس بلا سکتی ہے جس کا مقصد دونوں ممالک کے درمیان جنگ بندی کرانا ہو گا تاہم تھائی لینڈ کی وزارت خارجہ کے ترجمان کا کہنا تھا کہ کمبوڈیا کی جانب سے جارحانہ اقدامات روکے جانے  تک جنگ بندی کے بارے میں بات کرنا قبل از وقت ہو گا۔