ایران پر اسرائیل کے حملے غیر قانونی ہیں: روس

روس کی وزارت خارجہ نے منگل کے روز ایران پر اسرائیلی حملوں کو غیر قانونی قرار دیتے ہوئے ان کی مذمت کرتے ہوئے کہا کہ تہران کے جوہری پروگرام پر تنازع کا حل صرف سفارت کاری کے ذریعے ہی تلاش کیا جا سکتا ہے۔ ٹیلی گرام پر پوسٹ کیے گئے ایک وزارتی بیان میں ایران کے جوہری عدم پھیلاؤ کے معاہدے پر عمل کرنے کے عزم اور امریکی نمائندوں سے ملاقات کے لیے اپنی رضامندی پر "واضح بیانات" کو نوٹ کیا گیا ہے۔

بیان میں یہ بھی کہا گیا ہے کہ ماسکو بین الاقوامی جوہری توانائی ایجنسی کی جانب سے اسرائیلی حملوں سے ایرانی جوہری تنصیبات کو پہنچنے والے نقصان کے بارے میں "غیر متزلزل" تشخیص فراہم کرنے کا انتظار کر رہا ہے۔ روس کی وزارت خارجہ نے منگل کے روز ایران پر اسرائیلی حملوں کو غیر قانونی قرار دیتے ہوئے اس کی مذمت کرتے ہوئے کہا کہ تہران کے جوہری پروگرام پر تنازع کا حل صرف سفارت کاری کے ذریعے ہی تلاش کیا جا سکتا ہے۔

روزنامہ ’دی اکنامکس ٹائمس‘ میں شائع خبر کے مطابق دریں اثنا، وائٹ ہاؤس کے ایک اہلکار نے نام ظاہر نہ کرنے کی شرط پر بتایا کہ امریکی صدر ڈونالڈ ٹرمپ ایران اسرائیل جنگ پر بات چیت کے لیے منگل کو اپنی قومی سلامتی کونسل کا اجلاس طلب کر رہے ہیں۔ یہ ملاقات اس وقت ہو رہی ہے جب ٹرمپ نے ایران کے سپریم لیڈر کے خلاف بیان بازی میں اضافہ کیا ہے، جس سے ممکنہ امریکی فوجی مداخلت کے بارے میں سوالات کھڑے ہونے لگے ہیں۔

 اسرائیلی فوج نے منگل کو ایران کی جانب سے میزائلوں کی تازہ حملوں کے بارے میں خبردار کیا تھا، جس میں ملک کے جنوبی حصوں بشمول ایک جوہری پاور پلانٹ کے قصبے میں فضائی حملے کے سائرن چالو کیے گئے تھے۔ واضح رہے اسرائیل نے اپنے جوہری پروگرام کے بارے میں ابہام کی پالیسی برقرار رکھی ہے۔