امریکہ کے ساتھ جوہری مذاکرات تعمیری رہے، اگلے ہفتے دوبارہ بات چیت ہوگی: ایران

ایران نے کہا ہے کہ امریکہ کے ساتھ ہفتہ کے روزہونے والی پہلی باضابطہ جوہری بات چیت تعمیری رہی اور دونوں ممالک نے اگلے ہفتے دوبارہ مذاکرات کرنے پر اتفاق کیا ہے۔ امریکہ اس بار پر زور دیتا رہا ہے کہ ایران کسی قسم کے جوہری ہتھیار نہ بنائے۔

الجزیرہ کے مطابق ایران نے کہا ہے کہ امریکہ کے ساتھ 'تعمیری' مذاکرات ختم ہو گئے ہیں اور دونوں فریقوں نے اس معاملے پر آئندہ ہفتے مزید مذاکرات کرنے پر اتفاق کیا ہے۔عمان نے کہا ہے کہ بات چیت دوستانہ ماحول میں ہوئی اور بات چیت تعمیری رہی۔ ایرانی وفد کی قیادت وزیر خارجہ عباس عراقچی جبکہ امریکی وفد کی قیادت امریکی سفیر اسٹیو وٹ کوف نے کی۔

عمان کے دارالحکومت مسقط میں ہونے والی اس بات چیت سے قبل جناب  عراقچی نے کہا تھا کہ ان کا ملک غیر جانب دار معاہدہ چاہتا ہے۔ بی بی سی کے مطابق امریکی صدر ڈونالڈ ٹرمپ نے کہا تھا کہ اس بات چیت کا مقصد اس بات کو یقینی بنانا ہے کہ ایران کے پاس جوہری ہتھیار نہ ہوں۔