جماعت کے امیر کا ایکس اکاؤنٹ ہیک کرنے کے الزام میں صدارتی افسر گرفتار، انتخابات سے قبل بڑا تنازعہ
صدر کے دفتر میں اسسٹنٹ پروگرمر محمد سرور عالم پر جماعت کے امیر شفیق الرحمان کی ڈیوائس اور اکاؤنٹ کا غلط استعمال کرتے ہوئے متنازعہ پوسٹ کرنے کا الزام ہے۔
ڈھاکہ میٹروپولیٹن پولیس (ڈی ایم پی) کی جاسوسی برانچ (ڈی بی) نے بنگلہ دیش جماعت اسلامی کے امیر ڈاکٹر شفیق الرحمن کے 'ایکس' اکاؤنٹ کو مبینہ طور پر ہیک کرنے کے الزام میں بنگ بھون (صدارتی محل) کے ایک اہلکار کو حراست میں لیا ہے۔
اس ہیکنگ سے ملک گیر انتخابات سے عین قبل بڑا تنازعہ کھڑا ہوگیا ہے۔جماعت اسلامی کے امیر کا ایکس اکاؤنٹ ہیک ہونے کی خبر نے پورے بنگلہ دیش میں ہنگامہ بپا کر دیا ہے۔ان کا اکاؤنٹ ہیک کرنے کے الزام میں صدارتی محل کے اہلکار کو حراست میں لیا جانا اور تشویش پیدا کرتی ہے۔
حراست میں لیے گئے شخص کی شناخت محمد سرور عالم کے نام سے ہوئی ہے جو صدر کے دفتر میں اسسٹنٹ پروگرامر ہے۔ ڈی بی نے اسے 3 فروری کو رات گئے راجار باغ پولیس لائن کے قریب واقع سرکاری کوارٹرز سے گرفتار کیا۔ ان پر جماعت کے امیر شفیق الرحمان کی ڈیوائس اور اکاؤنٹ کا غلط استعمال کرتے ہوئے متنازعہ پوسٹ کرنے کا الزام ہے۔
تفتیشی حکام کے مطابق فی الحال ان سے پوچھ گچھ جاری ہے اور اس کے بعد ہی مزید کارروائی کا فیصلہ کیا جائے گا۔ ڈی بی کے ایڈیشنل کمشنر شفیق الاسلام نے حراست کی تصدیق کی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔