چین: مسلمانوں کے خلاف نفرت پھیلانے کے الزام میں جیل

عدالت نے کہا کہ ہان اپنے چیٹنگ گروپ پر مسلمانوں اور اسلام کے خلاف قابل اعتراض اور نفرت پھیلانے والا مضمون لکھتا تھا اور تصاویر ڈالتا تھا۔

سوشل میڈیا
سوشل میڈیا
user

یو این آئی

چین کے شمال مغربی صوبے لی اوننگ کی ایک عدالت نے مسلمان اور اسلام کے خلاف آن لائن نفرت پھیلانے کے الزام میں ایک شخص کو ڈھائی سال قید کی سزا سنائی ہے۔یہ اطلاع آج چین کے 'ڈیلی گلوبل ٹائمز' نے دی۔
اخبار کی رپورٹ کے مطابق صوبے کی شینیانگ کی عدالت نے لی ژین دونگ ہان نامی شخص کو یہ سزا سنائی ہے. عدالت نے ہان کو اپریل 2009 سے جون 2016 کے درمیان اپنی ویب سائٹ پر مسلمانوں اور اسلام کے خلاف تعصب پھیلانے کا مجرم پایا۔
عدالت نے کہا کہ ہان اپنے چیٹنگ گروپ پر مسلمانوں اور اسلام کے خلاف قابل اعتراض اور نفرت پھیلانے والا مضمون لکھتا تھا اور تصاویر ڈالتا تھا۔
میڈیا رپورٹس کے مطابق ہان کی اس طرح کی سرگرمیوں کے خلاف مسلم فرقہ کے لوگوں نے مقامی انتظامیہ سے شکایت کی تھی۔ پولیس نے اسے ستمبر 2009 میں گرفتار کیا تھا لیکن بعد میں اسے عدالت سے ضمانت پر رہا کر دیا۔ اسے اسی طرح کی سرگرمیوں کے الزام میں جون 2016 میں دوبارہ گرفتار کیا گیا۔

اپنی خبریں ارسال کرنے کے لیے ہمارے ای میل پتہ contact@qaumiawaz.com کا استعمال کریں۔ ساتھ ہی ہمیں اپنے نیکمشوروں سے بھی نوازیں۔
next