اقوام متحدہ کے 31 اہلکاروں پر جنسی استحصال کا کیس درج

اقوام متحدہ: اقوام متحدہ کے 31 ملازمین کے خلاف گزشتہ تین مہینوں میں جنسی استحصال کے نئے کیس درج کئے گئے ہیں جن میں سے نصف معاملہ پناہ گزین ایجنسی سے متعلق ہے۔یہ معاملے اس سال جولائی اور ستمبر کے درمیان درج کرائے گئے ہیں۔
اقوام متحدہ کے ترجمان اسٹیفن ڈيوزارك نے نامہ نگاروں کو بتایا کہ ان تمام الزامات کی تصدیق نهيں ہو پائی ہے اور کچھ کیس ابتدائی تحقیقات کے مرحلے میں ہیں۔ انہوں نے کہا کہ گزشتہ تین ماہ کے دوران 14 معاملوں کی تفتیش شروع کی گئی اور ایک معاملے کو صحیح پایا گیا ہے۔
انہوں نے بتایا کہ 31 معاملوں میں سے 12 کیس وسطی افریقی جمہوریہ اور مالی میں امن برقرار رکھنے کے مہم میں شامل فوجیوں سے متعلق ہے اور 15 معاملوں میں اقوام متحدہ پناہ گزین ہائی کمشنر کے دفتر (اقوام متحدہ) کے ملازم شامل ہیں۔ اس کے علاوہ تین کیس انٹرنیشنل مائیگریشن آرگنائزیشن( آئی او ایم ) اور ایک کیس اقوام متحدہ کی بچوں کی تنظیم -یونیسیف سے متعلق ہے۔
مسٹر ڈيوزارك نے کہا کہ جنوری سے شروع کئے گئے حالیہ اعداد و شمار جنسی استحصال اور بدسلوکی کے الزامات میں شفافیت بڑھانے کی اقوام متحدہ کی پہل کا ایک حصہ ہے۔ اقوام متحدہ اور یونیسیف کی جانب سے اس سلسلے میں فی الحال، کوئی رد عمل نہیں آیا ہے۔