حسین جہاں اب محمد شامی کے لئے دعائیں کر رہی ہیں

کرکیٹر محمد شامی کی اہلیہ حسین جہاں اب اپنے شوہر سے ملنا چاہتی ہیں اور ان کی سلامتی کی دعائیں کر رہی ہیں۔ واضح رہے محمد شامی ایک سڑک حادثہ میں زخمی ہو گئے تھے اور اسپتال میں زیر علاج ہیں۔

محمد شامی کی زندی کبھی خوشی کبھی غم کی طرح چل رہی ہے۔ پہلے ا ن کی اہلیہ حسین جہاں نے ان کے اوپر دنیا بھر کے الزام لگائے۔ ان الزامات کے چلتے بی سی سی آئی نے ان کے کانٹریکٹ کو روک دیا تھا اور الزامت کی جانچ کی۔ جیسے تیسے ان الزامت سے وہ بری ہوئے اور ان کو کانٹریکٹ واپس ملا لیکن اس کے بعد ایک سڑک حادثہ میں وہ زخمی ہو گئے اور اب اسپتال میں ہیں۔

میڈیا رپورٹوں کے مطابق اس حادثہ کی خبر ملتے ہی ان کی اہلیہ حسین جہاں نے افسوس کا اظہار کیا۔ذرائع ابلاغ کے مطابق سڑک حادثہ کی خبر ملنے کے بعد سے حسین جہاں صدمہ میں ہیں اور ان سے ملنا چاہتی ہیں۔ انہوں نے کہا ہے کہ وہ خدا سے اپنے شوہر کی سلامتی کی دعا کر رہی ہیں۔

بتایا جا تا ہے کہ حسین جہاں نے کہا ہے کہ وہ شامی کے لئے کبھی بھی برا نہیں چاہتی ہیں۔ غور طلب ہے کہ ہفتہ کی رات محمد شامی دہرادون سے نئی دہلی آ رہے تھے لیکن راستے میں ان کی کار کو ایک ٹرک نے ٹکر مار دی۔ اس حادثہ میں شامی کے سر میں چوٹ لگی تھی جس کی وجہ سے ان کے سر میں ٹانکے لگے تھے اور اب وہ دہرادون کے اسپتال میں زیر علاج ہیں۔