سوپور میں دہشت گردانہ حملے کے دوران ایک فوجی نے بچے کی بچائی جان

سوپور میں آج دہشت گردانہ ھملہ میں جہاں ایک شہری کی موت ہو گئی وہیں پولس نے ایک 3 سالہ بچے کی جان بچائی۔ بتایا جاتا ہے کہ بچے کو گولی لگ سکتی تھی لیکن پولس نے مستعدی دکھاتے ہوئے بچے کو بچا لیا۔

ہندوستان میں ایک بار پھر کورونا انفیکشن کے 18 ہزار سے زائد نئے مریض 24 گھنٹوں کے دوران سامنے آئے ہیں۔ آج جاری تازہ اعداد و شمار کے مطابق ایک دن میں جہاں 18653 نئے کیس درج کیے گئے ہیں وہیں اس درمیان 507 اموات بھی ہوئیں۔ اس طرح ہندوستان میں مجموعی مریضوں کی تعداد بڑھ کر 585493 ہو گئی ہے اور مجموعی ہلاکتوں کی تعداد 17400 تک پہنچ گئی ہے۔

کانگریس لیڈر راہل گاندھی آج ’ڈاکٹرس ڈے‘ کے موقع پر دنیا کے الگ الگ ممالک میں موجود ہندوستانی طبی اہلکار سے بات کریں گے۔ یہ سبھی الگ الگ اسپتالوں میں کام کرتے ہیں۔ انھوں نے ٹوئٹ کر کے کہا کہ ”ڈاکٹرس ڈے پر میں ان پیشہ وروں کا بہت شکرگزار ہوں، جو کورونا وائرس کے اس وقت میں امید جگاتے ہیں۔ آج صبح 10 بجے، کووڈ بحران کے بارے میں میرے ساتھ 4 مخلص نرسوں کی بات چیت دیکھیں اور جانیں کہ ہمیں کیسے اس پر آگے کام کرنا ہے۔“

بالی ووڈ اداکارہ مادھوری دکشٹ اپنے شوہر شری رام نینے کے لئے ہیئرکٹر بن گئیں۔مادھوری دکشٹ نے اپنے شوہر شریرام نینے کے بال تراشے ہیں۔ شریرام نینے نے اپنی اہلیہ کے ساتھ ایک خوبصورت تصویر سوشل میڈیا پر شیئر کی ہے۔ اس تصویر کو شیئر کرتے ہوئے ، نینے خود بتا رہے ہیں کہ مادھوری نے ان کے بال تراشے ہیں۔
اس سے قبل انوشکا شرما ، نوپور سینن جیسے مشہور شخصیات بھی خود ہی بال کٹوا چکے ہیں۔ یہ رجحان یقینا انوشکا نے شروع کیا تھا ، لیکن بعد میں کیا انٹرٹنمنٹ یا سیاست ، ہر شعبے کے لوگوں نے خود ہی بال تراشنے شروع کردیئے۔

پٹرول اور ڈیزل کی قیمتوں میں مسلسل اضافہ کے سلسلے میں ملک کے مختلف حصوں میں ہوئے مظاہرہ کے دوران سوشل ڈسٹنسنگ کی ہدایت کی پیروی نہ کرنے کے سلسلے میں کانگریس کے خلاف کارروائی کرنے سے متعلق ایک عذرداری سپریم کورٹ میں دائر کی گئی ہے۔

عرضی گذار نے کہا ہے کہ کانگریس کارکنان حکومت کو میمورنڈم دے کر مظاہرہ کرسکتے تھے لیکن انہوں نے کورونا وبا سے بچنے کے لئے حکومت کے ذریعہ جاری ہدایت کی خلاف ورزی کی ہے۔
وکیل سپریا پنڈتا کی جانب سے ایڈوکیٹ آن ریکارڈ اوم پرکاش پریہار اور وکیل دشینت تیواری نے عذرداری دائر کی ہے اور کہا ہے کہ قومی سیاسی پارٹی ہونے کی وجہ سے کانگریس ملک کے شہریوں کی سلامتی کے لئے ذمہ دار ہے۔ لیکن اس نے اور اس کے یووا تنظیم نے 29 جون کو ہوئے مظاہرہ میں سوشل ڈسٹنسنگ کی ہدایت کی پیروی نہیں کی ہے۔ عرضی گذار نے ایسے کارکنان کے خلاف پولس کارروائی کرنے اور پارٹی کے خلاف بھاری جرمانے کا مطالبہ کیا ہے۔