یوپی میں صنعتیں بند، فیکٹریوں میں تالے اور بُنکر پاور لوم فروخت کررہے ہیں... پرینکا گاندھی

کانگریس کی جنرل سکریٹری پرینکا گاندھی نے ٹوئٹ کرتے ہوئے کہا کہ "ایز آف ڈوئنگ بزنس پر یوپی سرکار کا خود کی پیٹھ تھپتھپانا ویسے ہی ہے جیسے MOUs کے ذریعہ سرمایہ کاری کرنا۔ ریاست میں صنعتیں بند ہو رہی ہیں۔ فیکٹریوں میں تالے لگے ہیں، بُنکر اپنے پاورلوم فروخت کر رہے ہیں، حقیقت میں یہاں صرف ایز آف ڈوئنگ کرائم اور ایز آف ڈوئنگ گھوٹالا ہے۔

اجین: مدھیہ پردیش کے اجین ضلع میں کورونا انفیکشن کے 31 نئے معاملے سامنے آنے کے بعد اب ان کی تعداد بڑھ کر دو ہزار کے قریب پہنچ گئی ہے جبکہ ان میں سے 1598 مریض علاج کے بعد ٹھیک ہوکر اپنے گھر جاچکے ہیں۔ چیف میڈیکل اور ہیلتھ افسر نے کل رات جاری ہیلتھ بلیٹن میں بتایا کہ گزشتہ 24 گھنٹوں میں 438 سیمپلوں میں سے 31 کورونا پازیٹو پائے گئے۔ ان میں سے 28 اجین اور مدیحہ پور، باڑمیڑ و ترانہ تحصیل کا ایک ایک مریض شامل ہے۔ ابھی تک 1998 پازیٹو معاملے ملے ہیں۔ اس عالمی وبا سے کل ایک شخص کی موت کے بعد ضلع میں ابھی تک مرنے والوں کی تعداد بڑھ کر 80 ہوگئی ہے اور 334 مریضوں کا اسپتالوں میں علاج کیا جارہا ہے۔ ضلع میں ابھی تک 72 ہزار 309 لوگوں کے سیمپل لئے جاچکے ہیں۔

راہل گاندھی نے سرکاری کمپنیوں کو فروخت کرنے کے حوالہ سے مودی حکومت پر حملہ بولا ہے۔ انہوں نے ٹوئٹ کیا، ’’مودی جی سرکاری کمپنی مہم چلا رہے ہیں۔ خود کی پیدا ہوئی معاشی بدحالی کی بھرپائی کے لئے ملک کی املاک کو تھوڑا تھوڑا بیچا جا رہا ہے۔ عوام کے مستقبل کو بالائے طاق رکھ کر ایل آئی سی کو بیچنا مودی حکومت کی ایک اور شرمناک کوشش ہے۔‘‘

ہندوستان اور چین کےدرمیان سرحدی تنازعہ بڑھتا ہی جا رہا ہے ۔ ایک ویباسئٹ پر شائع خبر کے مطابق ہندوستانی اور چینی فوجیوں کے بیچ فائرنگ ہوئ ہےاور یہ فائرنگ 1975کے بعد یعنی 45سال بعد ہوئی ہے۔ذرائع کے مطابق چین نے پہلےفائرنگ کی جس کے جواب میں ہندوستانی فوج نے جواب دیا ۔

انفورسمنٹ ڈائرکٹوریٹ (ای ڈی) نے آئی سی آئی سی آئی بینک کی سابق چیف ایکزی کیٹیو (ایم ڈی) چندا کوچر کے شوہر دیپک کوچر کو پیر کو گرفتار کرلیا۔
ای ڈی کے افسران نے بتایا کہ ایجنسی نے دیپک کو ممبئی میں انسداد منی لاؤنڈرنگ قانون کی دفعات کے تحت گرفتار کیا ہے۔ای ڈی کوچر جوڑے سے ویڈیو کون گروپ کو بینک سے قرض دینے میں مبینہ بے ضابطگیوں اورمنی لانڈرنگ کے معاملے میں پوچھ تاچھ کرتی آئی ہے۔
اس سے پہلے ای ڈی نے جنوری کے مہینے میں چندا کوچر اور ان کے خاندان کی جائیدادوں کو ضبط کیا تھا۔ مجموعی طور سے 78 کروڑ روپے کے منقولہ اور غیر منقولہ جائیداد ضبط کیا تھا۔ اس میں ممبئی میں ایک فلیٹ اور چندا کے شوہر کے کمپنی کی پراپرٹی شامل تھی۔